1 Izři n ugeɛɛed, n Dawud.

Necc farrḥeɣ umi d ayi nnan:

“Neccin ad nadef ɣar Taddart n SIDI.

2 Iḍaren nneɣ bedden-dd ɣar tewwura nnek, a Urcalim!”

3 Urcalim tᵉttwabna am ict n tendint nni ittwacebbaren mliḥ ak-d yixef nnes.

4 Ɣar dinni ttgeɛɛadent tqebbař, tiqebbař n SIDi,

ɣar Cchadet n Israil, ḥima ad qadan Isem n SIDI.

5 Maɣar dinni bedden řekrasi n řḥukm,

řekrasi n taddart n Dawud.

6 Ttarem i řehna n Urcalim:

“Aqa ad feřḥen inni cem ittexsen,

7 ḥima ad din yiři řehna ɣar řḥiḍ n zzat nnek,

uřa d řhudnet di řeqṣur nnek.”

8 Di ṭṭweɛ n aytma d imeddukkař inu ad iniɣ:

“Ad dayem yiři řehna!”

9 Di ṭṭweɛ n Taddart n SIDI, AREBBI nneɣ,

ad ac arzuɣ x min icnan.