115
1 War iǧi i neccin, a SIDI, war iǧi i neccin, maɣar i Yisem nnek ad yiři uɛuǧi,
di ssibbet n tmexsiwt nnek icewwaren d řaman nnek.
2 Mayemmi i ɣa qqaren řegnus:
‘Mani iǧa xenni AREBBI nsen?’
3 AREBBI nneɣ aqa-t deg ujenna,
igga marra min d as yarḍan.
4 Řexyařat nsen n ṣṣanam aqa atent s nnuqart d wureɣ,
řxedmet n ifassen n iwdan. □
5 Ɣarsen aqemmum, maca war ssiwiřent,
ɣarsent tiṭṭawin maca war ttwiřint, ■
6 Ɣarsent imezzuɣen, maca war ttesřint,
ɣarsent wanzaren, maca war ttcemmint.
7 Ifassen nsen war zemmaren ad cebbaren,
iḍaren nsen war zemmaren ad uyuren.
Nitni war ssuffuɣen řḥess zi tmijja nsen.
8 Ejj inni tent iggin ad daysent arewsen,
kuř ijj zeg inni xasent ittecřen.
9 Israil, ttceř x SIDI.
Netta d twiza nsen d taseddart nsen i useřqi.
10 Taddart n Harun, ttceř x SIDI.
Netta d twiza nsen d taseddart nsen i useřqi.
11 Marra kenniw inni itteggʷeden SIDI, ttecřem x SIDI.
Netta d twiza nsen d taseddart nsen i useřqi.
12 SIDI iɛqeř xaneɣ, Netta ad ibarek.
Ad ibarek taddart n Israil,
ad ibarek taddart n Harun.
13 Netta ad ibarek inni t itteggʷeden zi SIDI,
imeẓyanen jmiɛ ak-d imeqqranen.
14 SIDI ad awem issmarni tarwa,
i kenniw uřa i iḥenjiren nwem.
15 Kenniw tᵉttwabarkem zi SIDI,
wenni iggin ajenna d temmurt.
16 Ijenwan, wah ijenwan n SIDI,
maca tammurt iwca i-tt i tarwa n bnadem.
17 Imettan war zemmaren ad ssemɣaren SIDi,
uřa d inni dd-ihwan deg ususem.
18 Neccin ad nbarek SIDi,
zi řexxu ař i řebda. Hallilu-Yah!