1 Ařami iffeɣ Israil zi Miṣra,

taddart n Yaɛqub zeg ijj n řgens s yiřes n midden, ^□  ■  

2 idweř Yahuda d Zzawect nnes Iqeddsen,

Israyil d tammurt n řeḥkamet nnes.

3 Řebḥar iẓra i-t uca yarweř,

L’Urdun inneqřeb ɣar ḍeffar.

4 Idurar negzen am icarriyyen,

tiwririn am izmaren.

5 Min cek yuɣin, a řebḥar, ařami trekkwařed,

a cek L'Urdun, ařami tenqeřbed ɣar ḍeffar? ^□  

6 A idurar, min kenniw yuɣin ařami tneggzem am icarriyyen,

tiwririn am izmaren?

7 A tammurt arjiji zzat i wudem n Sidi,

zzat i wudem n Arebbi n Yaɛqub,

8 wenni yarrin taṣḍart d řḥemřet n waman,

sseǧaḥ d řɛunṣarat n waman. ^■