1 Hallilu-Yah, sɛuǧem, kenniw imsexxaren n SIDI,

sɛuǧem Isem n SIDI!

2 Ad ittwabarek Isem n SIDI,

zi řexxu ɣares ař řebda. ^■  

3 Zi manis dd-tneqqar tfuct ař manis tɣeǧi tfuct,

ad ittwassɛuǧa Isem n SIDI.^■  

4 SIDI yuɛřa x marra řegnus,

tiwa i ijenwan d aɛuǧi nnes.

5 Man wen iǧan am SIDI, AREBBI nneɣ,

wenni izeddɣen di řuɛřa qaɛ,

6 wenni yuḍaren,

maḥend ad iẓar deg ijenwan u x temmurt!

7 Wenni dd-issnekkaran amuqřiř zi tɛejjajt,

ijebd-dd amezřuḍ zeg wefraḍ ^■  

8 maḥend ad t issɣim ak-d tarwa n taṣiřet,

ak-d tarwa n taṣiřet n řgens nnes.

9 Wenni issezdaɣen tenni war ittirwen di taddart,

am ict n tyemmat n iḥenjiren tfarḥ. Hallilu-Yah.