1 Azehhid.

Ɣennjem i SIDI ijj n yezři n jdid, maɣar Netta igga lmuɛjizat.

Afus nnes afusi d uɣiř nnes iqeddsen ssnejmen t.

2 SIDI isscen asenjem nnes,

issargeb tasegda nnes zzat i tiṭṭawin n řegnus.

3 Netta iɛqeř x tmexsiwt nnes icewwaren,

x řaman nnes i taddart n Israil.

Marra tineggura n temmurt ẓrint asenjem s ufus n n AREBBI nneɣ.

4 Sřiweřwem zzat i SIDI, marra tammurt,

sɣuyyem, sřiweřwem, zehhdem.

5 Zehhdem i SIDI s řgambri,

s řgambri u s tmijja n yezři,

6 s řɣayṭat d řḥess n uṣuḍi deg uyicc n icarri.

Sřiweřwem zzat i wudem n ujeǧid, SIDI.

7 Ejj ad izhar řebḥar d marra aɛemmar nnes,

ddunit d yenni dayes izeddɣen.

8 Ejj iɣezran ad wten camxa s ifassen,

idurar ad ssřiwřewen jmiɛ

9 zzat i wudem n SIDI,

maɣar Netta ad dd-yas ḥima ad iḥkem tammurt.

Netta ad iḥkem tammurt s tsegda,

řegnus s řḥeqq.