1 Azehhid. Ijj n izři i wass n ssebt.

2 Mammec iṣbeḥ maḥend ad nqada SIDI,

ad nzehhed i Yisem nnek,

a Amɛuǧi x kuřci,

3 maḥend ad nbarreḥ ɣar tuffut s tmexsiwt nnek icewwaren,

řaman nnek di ǧyaři,

4 di lɛud s ɛecra n ifiřan u di lharpa,

s tirart x ifiřan n řgambri.

5 Maɣar Cek tessfarḥed ayi, a SIDI, s tmegga nnek,

necc ad sřiweřweɣ x řefɛayeř n ifassen nnek.

6 Mammec mɣarent tmegga nnek, a SIDI,

mammec uǧɣen ixarriṣen nnek!

7 Ijj n uqeffuḥ war ɣares min ɣa iɛawed,

u ijj n ubuhaři war ifehhem man aya.

8 Mařa iɛeffanen ɣemmyen am arrbiɛ,

u marra inni itteggen řmuɛṣiyyet newwaren,

aqa aya ad issiweḍ ateḥḥi nsen i řebda qaɛ.

9 Cek d Amɛuǧi x kuřci i řebda, a SIDI!

10 Maɣar xzar, řɛedyan nnek, SIDI,

řɛedyan nnek ad fnan,

marra inni itteggen řɣecc ad ttwazeǧɛen.

11 Cek ad tessgeɛɛded accaw inu am wenni n ufunas n řexřa,

ttwadehneɣ s zzect n ṭri.

12 Tiṭṭ inu ad tẓar inni xafi ittcekkmen,

imezzuɣen inu ad sřen i iɣrimen inu inni xafi dd-ikkaren.

13 Amsegged ad inewwar am tcejjart n tini,

ad iɣmi am tcejjart n tengelt x idurar n Lubnan, ^■  

14 inni ittwaẓẓun di Taddart n SIDI,

ad nnuwaren di řemraḥat n AREBBI nneɣ.

15 Nitni ad wcen řɣiǧet di tewsar,

ad qqimen ṣeḥḥen u d ṭri.

16 maḥend ad barrḥen, belli SIDI aqa-t nican.

Netta d Taṣḍart inu u war dayes bu řɣecc.