1 SIDI iḥekkem, Netta yarḍ s lɛaḍama,

SIDI yarḍ s jjehd am s yijj n uḥezzam.

Wah, ddunect tbedd temten,

war tᵉttenhezzi ca.

2 Řkursi igellden nnek imten zi mecḥař uya,

Cek teǧid zi řebda.

3 Iɣezran ssgeɛɛden, a SIDI, iɣezran ssgeɛɛden tmijja nsen.

Iɣezran ad ssgeɛɛden zzhir nsen.

4 SIDI di řuɛřa ijhed x zzhir n waṭṭas n waman ijehden,

u x uhaji n řebḥar.

5 Cchadat nnek aqa daysent řaman.

Taqeddast tekkar as-dd i Taddart nnek, a SIDI,

ɣares ař marra ussan.