1 Azehhed n Asaf.

A AREBBI, řegnus udfen ɣar řwart nnek.

Nitni ssxemjen Zzawect nnek Tameqqrant iqeddsen,

arrin Urcalim d řxirbat.

2 Řxecbat n imsexxaren nnek wcin tent d macca i ijḍaḍ n ujenna,

aysum n imtiqqan nnek i řewḥuc n temmurt.

3 Idammen nsen zeǧɛen ten am waman ɣar marra iɣezdisen n Urcalim,

uřa d ijj war ten inḍiř.

4 Nedweř d řefdiḥet i jjiran nneɣ,

d ustehzi d useḥqar i marra inni d aneɣ dd-innḍen. ^■  

5 Ar meřmi, a SIDI? Ma xenni ad teqqimed tseɛɛared i řebda?

Ma ad areɣ wasam nnek am tmessi i řebda? ^■  

6 Farreɣ asɛar nnek x řegnus inni war Cek issinen,

x tigeldiwin nni war ittřiɣin x Yisem nnek. ^■  

7 Maɣar nitni ccin Yaɛqub,

areddǧen Tazeddiɣt nnes.

8 War xaneɣ ɛeqqeř ɛlaḥsab řmuɛṣiyyet nneɣ n zic.

Qeǧeq, ejj arreḥmet nnek ad kidneɣ temsagar,

maɣar neḍɛef aṭṭas. ^■  

9 Ewc aneɣ afus nnek, a AREBBI, di ṭṭweɛ n uɛuǧi n Yisem nnek,

senjem aneɣ u seṣřeḥ ddnub nneɣ di ṭṭweɛ n Yisem nnek.

10 Mayemmi i ɣa inin řegnus: “Mani iǧa AREBBI nsen?” Ejj antaqem n idammen ittwassizřen n řgens nnek

ad idweř ittwassen jar řegnus jar tiṭṭawin nneɣ.

11 Ejj azehhar n umeḥbus ad dd-yas zzat i wudem nnek,

ḥḍa iḥenjiren n řmewt ɛlaḥsab řemɣaret n uɣiř nnek.

12 Arr asen i jjiran nneɣ abehdeř nsen sebɛa n tseqqar ɣar weḥsin nsen,

abehdeř nsen i zi cek feḍḥen, a Sidi inu.

13 Neccin d řgens nnek d wuǧi n ddmani n tarewsa nnek.

Nettqada Cek i řebda, zi jjiř ař jjiř.

Neccin ad nbarreḥ ccan nnek.