1 I umeqqran n imeɣnajen. N Dawud. I řidaret.

2 A AREBBI, deɣyat ḥima ad ayi tessnejmed,

a SIDI, ḥima ad ayi tɛawned. ^■  

3 Ejj inni yarezzun řeɛmar inu

ad ttwaxarewḍen u ad ssnuffaren ixef nsen,

ejj inni yareṭṭan x řɣar i dayi iřeqqfen,

ad dewřen ɣar ḍeffar u ad ttwasbehdřen. ^■  

4 Ejj i-ten ad ṭṭfen řmunet i issdaheǧen ařami i ɣa ttwasbehdřen,

inni din iqqaren: “Ha, ha!”

5 Ejj marra inni xak yarezzun, ad arcqen, ad farḥen dayek.

Ejj inni ittexsen asenjem nnek ad inin řebda:

“AREBBI d ameqqran!”

6 Necc di řeɣben u zeřḍeɣ, a AREBBI, deɣyat ɣari.

Cek d twiza inu d amsenjem inu, a SIDI,

war ttɛeṭṭař ca!