57
1 I umeqqran n imeɣnajen. ‘War t ttareddeǧ!’ N Dawud. Tira ineqcen. Umi yarweř zi Cawul deg ifri. ■
2 Ḥinn xafi, a AREBBI, ḥinn xafi, maɣar řeɛmar inu yarweř-dd ɣarek.
Necc arewřeɣ di tiři n wafriwen nnek, ɣares ař ɣa ɛdunt řmuṣibat.
3 Necc ad řaɣiɣ ɣar AREBBI, Amɛuǧi x kuřci,
ɣar Arebbi wenni d ayi ɣa inedhen ɣar uneggar iṣebḥen.
4 Netta ad dd-issekk asenjem inu zeg ujenna,
ad issbehdeř wenni d ayi dd-iḍeffaren. Silah.
AREBBI ad issekk tamexsiwt nnes icewwaren d řaman nnes.
5 Řeɛmar inu aqa-t jar iyraden,
zzřeɣ jar tarwa n bnadem, inni iǧan am iṣefḍawen yareqqen.
Tiɣmas nsen am lansat d fřitcat n řqews,
iřes nsen am ijj n ssif iqḍeɛ.
6 A AREBBI, sgeɛɛed ixef nnek tiwa i ijenwan,
arr aɛuǧi nnek sennej i marra tammurt, ■
7 Nitni ggin tracca i iṣuraf inu,
řeɛmar inu tuɣa iɣnes.
Nitni ɣzin ayi aḥfur,
maca wḍan dayes simant nsen. Silah. ■
8 A AREBBI, uř inu yarekken, uř inu yarekken.
Aqa necc ad ɣennjeɣ ad zehhdeɣ. ■
9 Faq, aɛuǧi inu! Faq, lharpa d řgambri!
Necc ttexseɣ ad ssfaqeɣ tafawt n řefjar.
10 Necc ad Cek qadiɣ jar řegnus, a Sidi inu,
ad zehhdeɣ jar ccuɛub i Cek. ■
11 Maɣar tamexsiwt nnek icewwaren tᵉttakkwaḍ ař ijenwan,
řaman nnek ař iseynuten. ■
12 A AREBBI, sgeɛɛed ixef nnek tiwa i ijenwan,
arr aɛuǧi nnek sennej i marra tammurt.