1 I umeqqran n imeɣnajen. Ak-d uzenzun. Axemmi n Dawud.

2 Řami dd-usin Iziffiyyen, nnan as i Cawul:

“Ma war issnuffar Dawud ixef nnes ɣarneɣ?” ^■  

3 Senjem ayi, a AREBBI, s Yisem nnek,

aɣ ayi tasɣart s tzemmar nnek ijehden.

4 A AREBBI, seř i tẓaǧit inu,

sḥess i wawařen n uqemmum inu.

5 Maɣar ibarraniyyen kkaren akidi,

ayt n bu-řexcunet arezzun ad ayi nɣen.

War tteggen ca AREBBI zzat i tiṭṭawin nsen. Silah. ^□  

6 Xzar, AREBBI d amɛawen inu.

Sidi inu aqa-t jar yenni d ayi isennden.

7 Netta ad ixeǧeṣ řɣar i yenni d ayi iḥeṣṣaren.

Qḍa xasen di řaman nnek.

8 S řxaḍar ad ac dd-awyeɣ tiɣarṣa,

ad qadiɣ Isem nnek, a SIDI,

maɣar Netta d aṣebḥan.

9 Maɣar Netta issenjem ayi zi marra řeḥṣaret,

uca yarra ayi-dd ad xezzareɣ x řɛedyan inu swadday.