1 I umeqqran n imeɣnajen. S teɣnint n ‘Izři n wecḍan’.

Axemmi n Dawud.

2 Abuhaři inna deg wuř nnes: “War din bu AREBBI!”

Nitni ttareddǧen, tteggen řɣecc,

war din uřa d ijj ittegg min icnan. ^■  

3 AREBBI ixezzar-dd zeg ujenna ɣar tarwa n bnadem,

ḥima ad iẓar ma din ḥed ɣares řefhamet,

ijjen i yarezzun AREBBI. ^■  

4 Marra ffɣen zeg webrid,

aqa-ten jmiɛ dewřen d iɛeffanen,

war din uřa d ijj ittegg řxar,

uřa d ijj.

5 Inni itteggen řmuɛṣiyyet ma war ɣarsen tussna,

inni ittᵉtten řgens inu axmi ttᵉtten aɣrum?

Nitni war ttřaɣan x AREBBI.

6 Aqa din i xasen tewḍa tiggʷudi imɣaren,

umi war din min zi i ɣa ggʷeden,

maɣar AREBBI iṭarrec ixsan n yinni xak ihejjmen.

Cek tessbehdřed i-ten, minzi AREBBI inḍar i-ten.

7 Ah, aqa asenjem n Israil ad dd-yas zi Ṣihyun!

Xmi dd ɣa isseɛqeb AREBBI imeḥbas n řgens nnek,

ad yarceq Yaɛqub,

ad ifarḥ Israil.