1 Izři, azehhed zeg ayt Quraḥ.

2 SIDI d ameqqran, ittesdihaǧa ad ittwassemɣar aṭṭas,

di tendint n AREBBI nneɣ, x wedrar nnes iqeddsen.

3 Řuɛřa nnes d řemřaḥet, aqa adrar n Ṣihyun d řefraḥet i marra tammurt,

ɣar uɣezdis n ccamal n tendint n Ujeǧid d ameqqran. ^■  

4 AREBBI aqa-t di řeqṣur nnes,

Netta ittwassen am ijj n lburj yuɛřan.

5 Maɣar xzar, ijeǧiden munen,

aqa ffɣen jmiɛ.

6 Řami t ẓrin, tbehten,

aqa nnjerfan uca arewřen deɣya.

7 Dinni tᵉṭṭef i-ten tarjijit,

am řeḥriq n ict n temɣart tᵉttaru.

8 S usemmiḍ zi ccarq tᵉttareẓẓid iɣarruba n Tarcic.

9 Am mammec tuɣa tt nesřa,

ammu i tt netwařa di tendint n SIDI n řɛeskarat,

di tendint n AREBBI nneɣ.

AREBBI ad tt issemten i řebda. Silah.

10 A AREBBI, nidar tamexsiwt nnek icewwaren,

di řwest n Zzawect nnek Tameqqrant.

11 Amecnaw Isem nnek, a AREBBI,

ammu ittakkwaḍ uřa d ccan nnek ɣares ař tineggura n temmurt.

Afus nnek afusi iccur s tsegda.

12 Ejj adrar n Ṣihyun ad ifarḥ,

jjem yessis n Yahuda ad arecqent zi ssibbet n řeḥkamat nnek.

13 Kkem x Ṣihyun, nnḍem as-dd,

ḥesbem ṣṣumɛat nnes!

14 Ggem uř nwem x lbaraj nnes,

xzarem mliḥ di řeqṣur nnes,

ḥima ad tt ttɛawded i jjiř i dd ɣa yasen.

15 Maɣar AREBBI wanita d AREBBI nneɣ i řebda qaɛ.

Netta ad aneɣ indeh ař řmewt.