1 I umeqqran n imeɣnajen. Zeg ayt n Quraḥ. Azehhed.

2 A marra řegnus, wtem deg ifassen,

sɣuyyem i AREBBI s usřiwřew ijehden.

3 Maɣar SIDI, Amɛuǧi x kuřci, aqa issaggʷad,

Netta d ijj n ujeǧid d ameqqran x marra tammurt.

4 Netta issaḍara aneɣ-dd řegnus,

Netta yarra ccuɛub sadu iḍaren nneɣ.

5 Netta ifarrez tasɣart nneɣ n temmurt i neccin,

tenni d afeyyec n Yaɛqub wenni tuɣa ittexs. Silah.

6 AREBBI yuři sennej s usřiwřew,

SIDI, ɣar tmijja n uṣuḍi deg uyicc n icarri.

7 Zehhdem i AREBBI, zehhdem!

Zehhdem i Ujeǧid, zehhdem!

8 Maɣar AREBBI d Ajeǧid x marra tammurt.

Zehhdem aya i uxemmi dayes.

9 AREBBI iḥekkem x řegnus,

AREBBI ittɣima x řɛarc nnes iqeddsen.

10 Tarwa n taṣiřet n řegnus ttwasmunen ɣar řgens n AREBBI n Ibrahim,

maɣar tiseddariyyen i useřqi n temmurt i AREBBI.

Netta aqa ittwassɛuǧa qaɛ.