1 Aɣ ayi tasɣart, a AREBBI, u tnedhed ddeɛwet inu.

Fekk ayi zeg ijj n řgens war dayes bu tmexsiwt,

zeg weryaz n teḥraymect d ddeǧ.

2 Aqa Cek d AREBBI n jjehd inu, mayemmi xenni d ayi tenḍared?

Mayemmi ggureɣ deg werruḍ d abarcan zi ssibbet n ddeǧ n řeɛdu?” ^■  

3 Sekk-dd tafawt nnek d tidett nnek, maḥend ad ayi gewwdent,

ad ayi nedhent ɣar wedrar nnek iqeddsen u ɣar tzeddiɣin nnek

4 uca ad dd-aseɣ ɣar uɛalṭar, řmedbeḥ n wecmaḍ n AREBBI,

ɣar Arebbi n řefraḥet, wenni d arceq inu.

Necc ad Cek qadiɣ s řgambri, a AREBBI, AREBBI inu!

5 A řeɛmar inu, mayemmi tqenḍed ammu, u tɣewwɣed xafi?

Raja AREBBI, maɣar ad t qadiɣ ɛad

x isenjamen zeg wudem nnes, aqa-t d AREBBI inu. ^■