1 I umeqqran n imeɣnajen. Axemmi n ayt n Quraḥ.

2 Am iɣayḍ n wezɣar ittmeẓri ɣar tɣezrin n waman,

ammu uřa d uř inu ittmeẓri ɣarek, a AREBBI.

3 Řeɛmar inu ittfada ɣar AREBBI, ɣar Arebbi iddaren.

Meřmi i ɣa adfeɣ u ad baneɣ zzat i wudem n AREBBI? ^■  

4 Imeṭṭawen inu tuɣa aten d aɣrum inu ass d ǧiřet,

umi d ayi qqaren ass imun:

“Mani iǧa AREBBI nnek?” ^■  

5 Necc ttidareɣ di man aya u ssfarrɣeɣ řeɛmar inu xafi,

maɣar necc ttnumeɣ ggeɛɛdeɣ deg ijj n uhimur iqqen,

am ggureɣ akidsen ɣar Taddart n AREBBI,

s řḥess n usřiwřew d uqadi, ijj n řɣaci ittɛeyyden.

6 A řeɛmar inu, mayemmi tqenḍed ammu, thekkweřed dayi?

Raja AREBBI,

maɣar ad qqimeɣ ad t qadiɣ ɛad x isenjamen i dd-itteffɣen zi zzat n wudem nnes. ^■  

7 A AREBBI, řeɛmar inu iqneḍ ammu dayi.

S uyenni ttidareɣ Cek zi temmurt n L'Urdun ,

zeg idurar n Hirmun, zeg wedrar n Miṣɛara.

8 Řḥemřet n waman tᵉttřaɣa i řḥemřet nneɣni ɣar zzhir n icercuren nnek,

marra iɣezran d řemwaj kkin xafi.

9 Ejj SIDI ad iweṣṣa tamexsiwt nnes icewwaren s wass,

u ad ɣari yiři yijj n izři di ǧiřet,

aqa-t d tẓaǧit i Arebbi n tudart inu.

10 Necc ad iniɣ i Arebbi: “Taṣḍart inu d Cek, mayemmi d ayi tᵉttud?

Mayemmi ggureɣ deg werruḍ d abarcan zi ssibbet n ddeǧ n řeɛdu?” ^■  

11 Inni d ayi iḥeṣṣaren ssbehttřen ayi s ict n tajjut ineqqen deg ixsan inu,

umi d ayi qqaren: “Mani iǧa AREBBI nnek?”

12 A řeɛmar inu, mayemmi tqenḍed ammu, u thewwřed dayi?

Raja AREBBI, maɣar ad t qadiɣ ɛad x isenjamen zeg wudem nnes, aqa-t d AREBBI inu.