1 Azehhed n Dawud.

Aɣ ayi tasɣart inu, a SIDI,

maɣar ggureɣ di řeṣfayet inu.

Necc ttecřeɣ x SIDI,

war ttefriɣeɣ ca. ^■  

2 Qeǧeb ayi, a SIDI, jarreb ayi,

seṣfa tiẓẓař inu d wuř inu. ^□  

3 Minzi tamexsiwt nnek icewwaren aqa-tt zzat i tiṭṭawin inu,

necc ggureɣ di tidett nnek.

4 Necc war ttɣimiɣ ak-d iryazen war isekkwin,

war ttmuneɣ ak-d yenni icemmten. ^■  

5 Necc carrheɣ agraw n tarwa n řehram,

war ttɣimiɣ ak-d iɛeffanen.

6 Necc ssirideɣ ifassen inu am war dayi řɛib,

ttennḍeɣ i uɛalṭar nnek, řmedbeḥ nnek n wecmaḍ, a SIDI,

7 maḥend ad ggeɣ ad sřen i tmijja teccur s uqadi,

maḥend ad barrḥeɣ s marra lmuɛjizat nnek.

8 A SIDI, necc ttexseɣ Tzeddiɣt n Taddart nnek,

uřa d amcan n Tzeddiɣt n uɛuǧi nnek.

9 War smuna řeɛmar inu ak-d imednab,

uřa d tudart inu ɣar iryazen i issazzařen idammen.

10 inni ɣar iǧa ifassen ccuren s tuɛeffna,

afus nsen afusi iccur s řɣecc.

11 Necc ggureɣ di řeṣfayet inu,

fdi ayi u ḥinn xafi.

12 Aḍar inu ibedd x temmurt iwaṭan.

Necc ad barkeɣ SIDI di tmesmunin.