1 I umeqqran n imeɣnajen. Azehhed n Dawud.

2 Ad xak dd-yarr SIDI deg wass n řeḥṣaret,

ad cek issizdeɣ Isem n AREBBI n Yaɛqub deg wemcan yuɛřan ifaryen.

3 Ad ac iwc afus zi Zzawect Iqeddsen,

ad cek dd-iɛawen zi Ṣihyun.

4 Ad cek yidar di tewhibin n řɣiǧet nnek,

ad tiři tɣarṣt n wecmaḍ nnek amecnaw tadunt i Netta. Silah.

5 Ad ac iwc ɛlaḥsab min immeẓri wuř nnek,

u ejj i-t ad ikemmeř marra inwayen nnek.

6 Neccin ad nesřiwřew x usenjem nnek,

ad nessuɛřa ibanduten deg Yisem n AREBBI.

Ad issjiwen SIDI marra meẓri nnek.

7 Řexxu ssneɣ, aqa SIDI ad yawi asenjem i umedhun nnes.

Netta ad t-i-dd-yarr zeg ijenwan n Zzawect nnes Iqeddsen,

s tmegga timeqqranin n usenjem s ufus afusi nnes.

8 Ina ttxarraṣen deg ikarruten u ina deg iysan,

maca neccin ad nxarreṣ deg Isem n SIDI, AREBBI nneɣ.

9 Nitni uḍaren uca wḍan,

neccin nekkar u neqqim nbedd.

10 A SIDI, awi-dd asenjem!

Ejj ad aneɣ dd-yarr ujeǧid deg wass i di nřaɣa.