1 Ict n tira ineqcen. N Dawud.

Ḥḍa xafi, a Arebbi, maɣar ttecřeɣ xak.

2 Řeɛmar inu tenna i SIDI: “Cek d Sidi inu,

d řxar inu, war din min xak yuɛřan!” ^■  

3 u x imqeddasen i izeddɣen x temmurt, ayt n jjehd,

aqa marra arḍa inu aqa-t akidsen.

4 Tamara n yinni iḍeffaren ammu deɣya ijj n arebbi nneɣni, ad ttwaktarent.

Necc war ttfarriɣeɣ tawhibt nsen n useyyeb n idammen,

u war ttidareɣ ismawen nsen x iyencicen inu.

5 SIDI d tasɣart inu d řkas inu.

Cek tᵉṭṭfed taqedduḥt inu deg ufus nnek. ^■  

6 Ifiřan n řeɛbar kkaren ayi-dd deg imucan iṣebḥen,

wah, tasɣart inu aqa tusa-dd xafi mliḥ.

7 Ad barkeɣ SIDI, wenni d ayi ineṣḥen.

Uřa s ǧiřet ssřemdent ayi tiẓẓař inu. ^□  

8 Řebda tteggeɣ SIDI jar tiṭṭawin inu.

Umi Netta iǧa x ufus afusi inu,

necc war farrɣeɣ. ^■  

9 S uyenni ifarreḥ uř inu,

ittarciq řeɛmar inu.

Wah, uřa d ddat inu ad iddar s řaman.

10 Maɣar Cek war tsemmḥed ca di řeɛmar inu di řaxart,

war tᵉttarrid amtiqqi nnek ad ikiccu. ^■  

11 Cek ad ayi tessecned abrid n tudart,

tyawant zi řefraḥet aqa-t zzat i wudem nnek,

nniɛmat aqa atent deg ufus nnek i řebda.