1 Azehhed n Dawud.

A SIDI, man wen i ɣa iqqimen deg uqiḍun nnek?

Man wen i ɣa izedɣen x wedrar nnek iqeddsen?

2 Wenni igguren di řekmařet n tudart nnes u ittegg tasegda,

wenni issawařen tidett deg wuř nnes. ^■  

3 Wenni war ittceqqafen s yiřes nnes,

wenni war itteggen řɣar i imɛacaren nnes,

u war ittzawar ajjar nnes.

4 Wenni immenḍaren zi Arebbi aqa ittwasseḥqar di tiṭṭawin nnes,

maca inni itteggʷeden SIDI, ittweqqar i-ten.

Ijjuǧ di txessart nnes

war t ittbeddiř.

5 Wenni war itticen tmenyat n nnuqart nnes s arriba,

u war itteṭṭef arrecwet ḍidd n yinni war iggin s ca.

Wenni itteggen man aya,

war iggur ad ifarɣ i řebda.