1 I umeqqran n imeɣnajen. Azehhed n Dawud.

Abuhaři inna deg wuř nnes: “War din bu AREBBI!”

Nitni ttareddǧen, tteggen timesřayin iḍexsen ,

war din uřa d ijj ittegg min icnan. ^■  

2 SIDI ixezzar-dd zeg ujenna ɣar tarwa n bnadem,

ḥima ad iẓar, ma din ḥed dayes řefhamet,

ijj wenni yarezzun AREBBI.

3 Marra ffɣen zeg webrid,

aqa-ten jmiɛ dewřen d iɛeffanen,

war din uřa d ijj ittegg řxar,

uřa d ijj.

4 Marra inni itteggen řmuɛṣiyyet ma war ɣarsen bu tussna,

inni ittᵉtten řgens inu axmi ttᵉtten aɣrum?

Nitni war ttřaɣan x SIDI.

5 Aqa tewḍa-dd xasen din tiggʷudi temɣar,

maɣar AREBBI aqa-t ak-d jjiř n imseggaden.

6 Kenniw tnefḍem array n řmusakin,

minzi SIDI d amcan nnes n tarewřa.

7 Ih, aqa asenjem n Israil ad dd-yas zi Ṣihyun!

Xmi dd ɣa yarr SIDI imeḥbas n řgens nnek,

ad yarceq Yaɛqub,

ad ifarḥ Israil.