1 I umeqqran n imeɣnajen. Azehhed n Dawud.

2 Mecḥař ɛad, a SIDI, i d ayi ɣa tᵉttud?

Ař mecḥař ɛad i xafi i ɣa tessnuffared udem nnek?

3 Mechař i iqqimen ad ggeɣ ɛad řehmum di řeɛmar inu,

acḍan deg wuř inu mkuř ass?

Ař meřmi i ɣa issɛuǧa řeɛdu inu ixef nnes xafi?

4 Xzar-dd, arr-dd, xafi a SIDI, AREBBI inu!

Arzem ayi tiṭṭawin inu, ḥima war ttᵉṭṭṣeɣ iḍes n řmewt,

5 ḥima řeɛdu inu war iqqar:

“Necc ɣellbeɣ xas!”,

ḥima wenni d ayi iḥeṣṣaren war ifarreḥ, mařa farɣeɣ.

6 Necc ttecřeɣ x tmexsiwt nnek icewwaren.

Uř inu ad ifarḥ x usenjem nnek.

Necc ad ɣennjeɣ i SIDI,

maɣar Netta igga dayi řxir.