1 I umeqqran n imeɣnajen. Azehhed n Dawud. X ufiřu wiss tmenya.

2 Senjem, a SIDI, minzi ameddukkeř amtiqqi war iqqim ɛad,

maɣar war din ɛad imtiqqan jar tarwa n bnadem. ^■  

3 Nitni ssawařen jar asen s ixarriqen,

s iyencicen ccuren s wawařen imiziḍen,

aqa ssawařen s tnayen n iɣembab. ^□  

4 Ejj SIDI ad iqḍeɛ marra iyencicen s wawařen imiziḍen,

uřa d iřes s wawařen n ukebbar,

5 inni iqqaren: “S yiřes nneɣ ad ɣarneɣ yiři uqarru imɣar,

iyencicen aqa aten nneɣ!

Man wen iǧan xaneɣ d sidi?”

6 “Di ssibbet n wareddeǧ n řmusakin,

uřa di ssibbet n iɣuyyan n imezřaḍ

ad kkareɣ řexxu Necc”, inna SIDI,

“Wenni x tuɣa idduqez, Necc ad t awyeɣ di řaman.”

7 Tiwařin n SIDI aqa atent d tiwařin ṣfant,

ttwasizdgen am nnuqart deg ijj n řkas i ufesyi di temmurt,

ttwaṣeffan sebɛa n twařawin. ^□  ■  

8 Cek, a SIDI, ad ten teḥḍid,

ad aneɣ tessared zi jjiř-a,

i řebda qaɛ.

9 Iɛeffanen gguren nnḍen mani mma

xmi i ɣa ikkar ddeǧ jar tarwa n bnadem.