1 I umeqqran n imeɣnajen. N Dawud.

Necc ttecřeɣ x SIDI. Mammec teqqarem i řeɛmar inu:

“Arewřem ɣar idurar, a ijḍaḍ!”? ^□  

2 Maɣar xzar, iɛeffanen aqa meḥḥḍen řqews,

ssrusan fřitcat nsen ɣar ufiřu,

ḥima ad wten di taǧest deg inni umi isegged wuř.

3 Wah, dsusa n ddunect ttwareddǧen!

Min izemmar xenni ad yegg umsegged?

4 SIDI izeddeɣ di Zzawect nnes Tameqqrant iqeddsen,

řɛarc n SIDI ittbedda deg ijenwan.

Tiṭṭawin nnes ttwařant,

řxezrat nnes arezzunt di tarwa n bnadem.

5 SIDI ittbeqqec amsegged,

maca řeɛmar nnes ittɛiffa aɛeffan d wenni ittexsen lɛunf.

6 Netta ad iwwet iɛeffanen s ijj n wenẓar n txecfin,

timessi d řecbariyyet d tḥaryaḍt tameqqrant ad iřint d tasɣart n řkas nsen.

7 Minzi SIDI d amsegged,

ittexs timegga iseggden.

Inni igguren nican ad ẓaren udem nnes.