1 I umeqqran n imeɣnajen. Ak-d uzenzun. Azehhed n Dawud.

2 Arr-dd xafi xmi dd ttřaɣiɣ, a AREBBI n tsegda inu!

Di řeḥṣaret aqa Cek teggid ayi ttasiɛ.

Ḥinn xafi u seř-dd ɣar tẓaǧit inu!

3 Tarwa n yijj n weryaz, ař meřmi i ɣa yiři uɛuǧi inu d řɛar?

Ař meřmi i ɣa texsem řbaṭeř,

ad tarzum x ixarriqen? Silah.

4 Snem xenni, aqa SIDI iḥuzz ijj n umeddukkeř amtiqqi i yixef nnes.

SIDI ad ayi iseř xmi d as i ɣa řaɣiɣ.

5 Arjijjem, u war xeṭṭim.

Siwřem deg wuř nwem di rectu nwem uca susmem. Silah. ^■  

6 Qeddmem tiɣarṣa n tsegda,

ttecřem x SIDI. ^■  

7 Aṭṭas qqaren: “Wi d aneɣ i ɣa issecnen řxar?”

Ejj ad xaneɣ dd-tenqar tfawt n wudem nnek, a SIDI!

8 Cek tessidfed řefraḥet ɣar wuř inu,

ktar x řefraḥet i din iǧan di řweqt,

umi tuɣa imendi nsen d binu nsen n jdid feyyḍen.

9 Di řehna ad zzřeɣ u ad ṭṭṣeɣ,

minzi mɣir Cek, a SIDI, ad ayi tesszedɣed di řaman. ^■