1 Azehhed n Dawud, umi yarweř zeg wudem n mmis Abcalum. ^■  

2 A SIDI, inni d ayi iḥeṣṣaren aqa kettaren,

aṭṭas aqa aten ḍidd inu.

3 Aṭṭas aqa qqaren x řeɛmar inu:

‘I netta war din iǧi usenjem ɣar AREBBI!’ Silah.

4 Aḥeqqa Cek, a SIDI, d taseddart n useřqi i necc, aɛuǧi inu,

Cek d wenni issgeɛɛden azeǧif inu.

5 S tmijja inu řaɣiɣ i SIDI,

uca Netta yarra-dd xafi zeg wedrar nnes iqeddsen. Silah.

6 Senndeɣ uca ikka xafi yiḍeṣ,

faqeɣ-dd, minzi SIDI iɛawen ayi. ^■  

7 War tteggʷideɣ zi ɛecra n řuřuf n řgens,

inni d ayi dd-innḍen, ssbeddan ixef nsen x iɣezdisen inu. ^■  

8 Kkar, a SIDI, senjem ayi, a AREBBI inu,

minzi Cek tewtid marra řɛedyan inu ɣar uɣesmir,

aqa teddzed tiɣmas n iɛeffanen.

9 Asenjem aqa-t n SIDI,

lbaraka nnek aqa-tt x řgens nnek. Silah. ^■