1 Ina d ikehhanen d Ilawiyyen inni dd-igeɛɛden ak-d Zarubabbil, mmis n Caɛaltiyil, d Yecuɛa: Saraya, Irmiya, Ɛizra, 2 Amarya, Mallux, Ḥaṭṭuc, 3 Cakanya, Raḥum, Marimut, 4 Ɛiddu, Jinnituy, Abiya, 5 Miyamin, Maɛadya, Bilja, 6 Cmaɛya, Yuyarib, Yadaɛya, 7 Sallu, Ɛamuq, Ḥilqiya d Yadɛaya. Ina d izeǧifen imeqqranen n ikehhanen deg wussan n Yecuɛa.

8 Uca Ilawiyyen d ina: Yecuɛa, Binnuy, Qadmiyil, Carabya, Yahuda d Mattanya, wenni iǧan x izřan n uqadi, netta d aytmas. 9 Baqbuqya d Ɛunni d aytmatsen bedden arendad nsen ttrajan i nnubet nsen.

10 Yecuɛa ijja-dd Yuyaqim u Yuyaqim ijja-dd Ilyacib, u Ilyacib ijja-dd Yuyadaɛ,

11 u Yuyadaɛ ijja-dd Yunatan d Yunatan ijja-dd Yadduɛ.

12 Deg wussan n Yuyaqim tuɣa ikehhanen-a d izeǧifen jar ibabaten n řaǧat: Maraya i Saraya, Ḥananya i Irmiya,

13 Macullam i Ɛizra Yuḥanan i Amarya,

14 Yunatan i Maliku, Yusuf i Cabinya,

15 Ɛadna i Ḥarim, Ḥilqay i Marayut,

16 Zakariyya i Ɛiddu, Macullam i Jinnitun,

17 Zikri i Abiya, Filṭay i Minyamin d Muɛadya,

18 Cammuɛa i Bilja, Yahunatan i Cmaɛya,

19 d Mattanay i Yuyarib, Ɛuzzi i Yadaɛya, 20 Qallay i Sallay, Ɛabir i Ɛamuq, 21 Ḥacabya i Ḥilqiya, Natanayil i Yadaɛya.

22 Deg wussan n Ilyasib, Yuyadaɛ d Yuḥanan d Yadduɛ, ttwazemmemen izeǧifen jar ibabaten n Ilawiyyen uřa d ikehhanen ař tagelda n Dariyus, Afarsi. 23 Ttwazemmemen ayt n Lawi, izeǧifen jar ibabaten n řaǧat, deg wedlis n imezruyen ař ussan n Yuḥanan, mmis n Ilyacib. ^■  

24 Izeǧifen n Ilawiyyen tuɣa Ḥacabya, Carabya d Yecuɛa, mmis n Qadmiyil, u aytmatsen bedden ajemmaḍin nsen ḥima ad ssemɣaren u ad qadan, am mammec tuɣa teǧa tewṣeyyet n Dawud, aryaz n AREBBI, ijj tuɣa ittraja nnubet nnes arendad n wenneɣni wenni ittrajan nnubet nnes. 25 Tuɣa Mattanya d Baqbuqya d Ɛubadya, Macullam d Ṭalmum d Ɛaqqub iɛessasen n tewwart inni iɛessen x ixxamen n řexzen n tewwura n tendint. ^□   26 Ina tuɣa aten deg wussan n Yuyaqim, mmis n Yecuɛa, mmis n Yuṣadaq, uřa deg wussan n Naḥamya, lwali, u n ukehhan Ɛizra, amseřmed n idlisen.

27 Ɣar udeccen n řḥiḍ n Urcalim arzun nitni x Ilawiyyen di marra imucan nsen maḥend ad ten awyen ɣar Urcalim ḥima nitni ad ssqefřen adeccen, ad ggen řefraḥet s uqadi u s yezřan, s teǧunin n wuzzař, s lharpat d řgambriyat. 28 Nitni ssmunen x ayt n imedyazen zeg udewwar n Urcalim u zi dcurat n Unuṭufati 29 u zi Bayt-Jiljal uřa zeg iyyaren n Jiba d Ɛazmawit, minzi imedyazen bnan i yixef nsen dcurat i dd-innḍen i Urcalim. 30 Ssizedgen ikehhanen d Ilawiyyen ixef nsen uca awarni i uya ssizedgen nitni uřa d řgens d tewwura d řḥiḍ.

31 Xenni ggiɣ izeǧifen n Yahuda ad nyen x řḥiḍ u ssbeddeɣ tnayen n terbiɛin n uɣennej i uqadi d kulat. Tuyur ict n terbiɛt ɣar yeffus sennej x řḥiḍ ɣar Tewwart n Řeɣbar 32 uca yareddef i-tt Hucaɛya s yijj n wezyen n řḥukkam n Yahuda, 33 d Ɛazarya, Ɛizra d Macullam, 34 Yahuda d Binyamin d Cmaɛya d Irmiya 35 u zeg ayt n ikehhanen inni ɣarsen řɣayṭat: Zakariyya, mmis n Yunatan, mmis n Cmaɛya, mmis n Mattanya, mmis n Mixaya, mmis n Zakkur, mmis n Asaf, 36 d aytmas Cmaɛya d Ɛazaryil, Milalay, Jilalay, Maɛay, Natanayil d Yahuda, Ḥanani ak-dduzan n řmusiqa n Dawud, aryaz n AREBBI, uca zzat i wudem nsen tuɣa iggur Ɛizra, amseřmed n idlisen. 37 Ɣar Tewwart n Tařa uca xenni nican qibač nsen nyen ddrujjat n tendint n Dawud mani dd-igeɛɛed řḥiḍ sennej i taddart n Dawud ař Tawwart n Waman, ɣar ccarq.

38 Tarbiɛt n uqadi wiss tnayen tuyur ɣar jjihet nneɣnit uca necc areddfeɣ tt ak-d wezyen nneɣni n řgens, nekka x řḥiḍ sennej i Lburj n Tefqunt ař řḥiḍ amiriw 39 uca xenni nekka x Tewwart n Ifrayim u x Tewwart Taqdimt u x Tewwart n Iseřman d Lburj n Ḥananiyil d Lburj n Mya ɣares ař Tawwart n Wuǧi uca nitni qqimen bedden ɣar Tewwart n Řeḥbes.

40 Xenni beddent tnayen n terbiɛin n uqadi di Taddart n AREBBI, uřa d necc ak-d wezyen n imḍebbaren akidi. 41 Uřa d ikehhanen Alyaqim, Maɛsiya, Minyamin, Mixaya, Ilyuɛinay, Zakariyya, Ḥananya, ak-d řɣayṭat 42 uca xenni Maɛsiya d Cmaɛya d Aliɛazar d Ɛuzzi d Yuḥanan d Malkiya d Ɛilam d Ɛazar. D imedyazen ggin ad ttwasřen u tuɣa Yizraḥa d ameḥḍay.

43 Deg wass nni wehhben tiɣarṣa d timeqqranin. Marra farḥen, maɣar AREBBI igga asen ict n řefraḥet d tameqqrant. Farḥen uřa d timɣarin d iḥenjiren imeẓyanen ařami řefraḥet n Urcalim tuɣa ttesřan as zi řaggʷaj.

44 Deg wussan nni ggin iryazen ad iřin x ixxamen i iǧan i txubay, i tewhibin n usgeɛɛed, i usuffuɣ tamezwarut n ṣṣabet u i řeɛcur ḥima ad daysent yarwen tiseqqar i dd-ikkaren i ikehhanen d Ilawiyyen zeg iyyaren n tneddam ɛlaḥsab Ccariɛa, maɣar farḥen ayt n Yahuda zeg ikehhanen d Ilawiyyen nni i din ibedden ^□   45 u ḥḍan x tsexxart n AREBBI nsen u x tsexxart n usizdeg, jmiɛ ak-d imedyazen d iɛessasen n tewwura, ɛlaḥsab tawṣeyyet n Dawud d mmis Suliman. ^■   46 Maɣar zic, deg wussan n Dawud, tuɣa Asaf d azeǧif n imedyazen, i izřan n uṣebbeḥ uřa i uqadi i AREBBI. 47 S uya iwca marra Israil di marra ussan n Zarubbabil u deg wussan n Naḥamya tiseqqar n imedyazen d iɛessasen n tewwura, kuř tasɣart n ijj n wass deg wass nnes, uca ssqeddsen tt i Ilawiyyen uca Ilawiyyen ssqeddsen tt i ayt n Harun.