Imezdaɣ n jdid n Urcalim u n tneddam iqqimen
11
1 Imeqqranen n řgens qqimen zeddɣen di Urcalim uca min iqqimen n řgens ggin taqedduḥt maḥend ijj zi ɛecra ad izdeɣ di Urcalim, tandint iqeddsen, u tesɛa di tneddam nneɣni. 2 Ibarek řgens marra iryazen nni iqeddmen ixef nsen s řxaḍar maḥend ad zedɣen di Urcalim. 3 Ina d izeǧifen n lɛamala, inni tuɣa izeddɣen di Urcalim. Di tneddam n Yahuda tuɣa zeddɣen din ayt n Israil, ikehhanen d Ilawiyyen d imsexxaren n Zzawect Tameqqrant d ayt n isemɣan n Suliman, kuř ijj deg wagřa nnes, di tneddam nsen. 4 Di Urcalim tuɣa zeddɣen ca zeg ayt n Yahuda u zeg ayt n Binyamin. Zeg ayt n Yahuda: Ɛataya, mmis n Ɛuzziya, mmis n Zakariyya, mmis n Amarya, mmis n Cafaṭya, mmis n Mahalal-Il, zeg ayt n Fariṣ, 5 d Maɛsiya, mmis n Barux, mmis n Kulḥuza, mmis n Ḥazaya, mmis n Ɛadaya, mmis n Yuyarib, mmis n Zakariyya, mmis n Uciluni. □ 6 Marra ayt n Fariṣ inni izeddɣen di Urcalim, aqa aten arebɛa-mya u-tmenya u-settin n iɛeskariyyen. 7 Ina d ayt n Binyamin: Sallu, mmis n Macullam, mmis n Yuɛid, mmis n Fadaya, mmis n Qulaya, mmis n Maɛsiya, mmis n Itiyil, mmis n Yacaɛya, 8 u awarni as Jabbay, Sallay: tesɛa-mya u-tmenya u-ɛicrin n yeryazen.
9 Tuɣa Yuwil, mmis n Zikri, d ameḥḍay xasen u Yahuda, mmis n Hasnuwa tuɣa d ameḥḍay wiss tnayen x tendint.
10 Zeg ikehhanen: Yadaɛya, mmis n Yuyarib, Yakin,
11 Saraya, mmis n Ḥilqiya, mmis n Macullam, mmis n Ṣaduq, mmis n Marayut, mmis n Axiṭub, ameḥḍayi n Taddart n AREBBI.
12 U aytmatsen, inni ixeddmen di Taddart, marra idsen temn-mya u-tnayen u-ɛicrin n yeryazen. Xenni Ɛadaya, mmis n Yaruḥam, mmis n Falalya, mmis n Amṣi, mmis n Zakariyya, mmis n Facḥur, mmis n Malkiya,
13 d aytmas, izeǧifen n řaǧat, marra idsen mitayen u-tnayen u-rebɛin n yeryazen. Xenni Amcisay, mmis n Ɛazaryil, mmis n Axzay, mmis n Maclimut, mmis n Immir
14 d aytmatsen, ayt n bu-teɣruḍt imeḥḍen, marra idsen mya u-tmenya u-ɛicrin n yeryazen. Tuɣa Zabdiyil, mmis n Hajdulim, d ameḥḍayi xasen.
15 Zi Ilawiyyen: Cmaɛya, mmis n Ḥaccub, mmis n Ɛazriqam, mmis n Ḥacabya, mmis n Bunni,
16 uca tuɣa Cabbatay d Yuzabad d izeǧifen n Ilawiyyen, inni ibedden ak-d řxedmet di barra n Taddart n AREBBI.
17 uca xenni Mattanya, mmis n Mixa, mmis n Zabdi, mmis n Asaf, azeǧif wenni iǧan x ubeddu n uqadi, d Baqbuqya wenni i tuɣa d wiss tnayen zeg aytmas, u Ɛabda, mmis n Cammuɛa, mmis n Jalal, mmis n Yadattun.
18 Marra Ilawiyyen i iǧan di tendint iqeddsen, marra idsen mitayen u-arebɛa u-tmanin.
19 Uca iɛessasen n tewwura: Ɛaqqub, Ṭalmun ak-d aytmatsen, inni iṭṭfen aḥeṭṭu di tewwura n tendint, marra idsen mya u-tnayen u-sebɛin.
20 Inni iqqimen n ayt Israil, ikehhanen d Ilawiyyen, zedɣen di tneddam n Yahuda, kuř ijj di tesɣart nnes.
21 Uca imsexxaren n Zzawect Tameqqrant zedɣen di Ɛufil. Tuɣa Ṣiḥa d Jicfa x imsexxaren n Zzawect Tameqqrant.
22 Tuɣa Ɛuzzi, mmis n Bani, mmis n Ḥacabya, mmis n Mattanya, mmis n Mixa d řemqeddem n Ilawiyyen di Urcalim. Zeg ayt n Asaf tuɣa imedyazen x řxedmet di Taddart n AREBBI. □ 23 Maɣar tuɣa din xasen ict n tewṣeyyet n ujeǧid u x imedyazen tuɣa din ijj n weqqan, kuř ass ict n tewṣeyyet i ittřiqen i wass nni. □
24 Tuɣa Faṭaḥya, mmis n Macizabyil, zeg ayt n Zaraḥ, mmis n Yahuda, d afus afusi n ujeǧid di marra min iřeqqfen řgens.
25 Di dcurat ɣar iyyaren nsen tuɣa din ayt n Yahuda inni tuɣa izeddɣen di Qaryat-Arebɛa d tneddam i ɣares dd-iqqnen u di Dibbun d tneddam i ɣares dd-iqqnen u di Yaqabṣiyil d tneddam i ɣares dd-iqqnen 26 u di Yecuɛa u di Mulada u di Bayt-Falaṭ 27 u di Haṣar-Cuɛal u di Bi’r-Sebɛa d tneddam i ɣares dd-iqqnen, 28 u di Ṣiqlaɣ u di Makuna d tneddam i ɣares dd-iqqnen 29 u di Ɛayn-Rimmun u di Ṣarɛa u di Yarmut, 30 Zanuḥa, Adullam d tneddam i ɣares dd-iqqnen, Laxic d iyyaren nnes, Ɛaziqqa d tneddam i ɣares dd-iqqnen. Nitni wtin iqiḍan nsen zi Bi’r-Sebɛa ɣares ař taɣzurt n Hinnum.
31 Tuɣa ayt n Binyamin zeddɣen zi Jabaɛ di Mixmas d Ɛaya d Bayt-Il d tneddam i ɣares dd-iqqnen, 32 Ɛanatut, Nub, Ɛananya, 33 Haṣur, Rama, Jittayim, 34 Ḥadid, Ṣabuɛim, Naballaṭ, 35 Lud d Unu d Teɣzurt n Teɣzurt n Iḥrayfiyyen.
36 Zeg Ilawiyyen zedɣen din terbiɛin zi Yahuda ɣar Binyamin.