1 “X qaɛ man aya ad negg ijj n řɛahd imten uca ad t nzemmem di tira uca imeqqranen nneɣ, Ilawiyyen nneɣ d ikehhanen nneɣ ad xas ggen acemmiɛ.” 2 Inni xas iggin acemmiɛ d ina:

Naḥamya, wenni d lwali ameqqran, mmis n Ḥakalya d Ṣidqiya, 3 Saraya, Ɛazarya, Irmiya, 4 Facḥur, Armarya, Malkiya, 5 Ḥattuc, Cabanya, Mallux, 6 Ḥarim, Marimut, Ɛubadya, 7 Daniyal, Jinnitun, Barux, 8 Macullam, Abiya, Miyamin, 9 Maɛazya, Biljay d Cmaɛya. Ina d ikehhanen.

10 Uca Ilawiyyen: Yecuɛa, mmis n Azanya, Binnay. Zeg ayt n Ḥinadad, Qadmiyil.

11 Uřa d aytmatsen: Cabanya, Hudiya, Qaliṭa, Qalaya, Ḥanan,

12 Mixa, Raḥub, Ḥacabya,

13 Zakkur, Carabya, Cabanya,

14 Hudiya, Bani, Baninu.

15 Izeǧifen n řgens: Farɛuc, Faḥat-Mu’ab, Ɛilam, Zattu, Bani,

16 Bunni, Ɛazjad, Bibay,

17 Aduniya, Biɣway, Ɛadin,

18 Aṭir, Ḥizqiya, Ɛazzur,

19 Hudiya, Ḥacum, Biṣay, 20 Ḥarif, Ɛanatut, Nibay, 21 Majfiɛac, Macullam, Ḥazir, 22 Macizabyil, Ṣaduq, Yadduɛ, 23 Falaṭya, Ḥanan, Ɛanaya, 24 Huciɛa, Ḥananya, Ḥacub, 25 Halluḥic, Filja, Cubiq, 26 Raḥum, Ḥacabna, Maɛsiya, 27 d Axiya, Ḥanan, Ɛanan, 28 Mallux, Ḥarim d Baɛna.

29 Inni iqqimen zi řgens, ikehhanen, Ilawiyyen, iɛessasen n tewwura, imedyazen, imsexxaren n Zzawect Tameqqrant d marra inni d iɛezzřen ixef nsen x řegnus n temmura ɣar Ccariɛa n AREBBI, timɣarin nsen, iḥenjiren nsen d yessitsen, kuř ijj wenni ɣar teǧa tussna d řefhamet, ^□   30 nitni marra řeṣqen ɣar aytmatsen, ayt n bu-ṣṣulṭa nsen, uca ccarcen di nneɛřet d tjaǧit maḥend ad ddaren ɛlaḥsab Ccariɛa n AREBBI, tenni immewcen x ufus n Musa, amsexxar n AREBBI, uca mahend ad ḥḍan marra řumurat n SIDI, Siditneɣ, uca ad ṭṭfen di lfaryiḍ nnes d tiweṣṣa nnes 31 uca war nettic yessitneɣ i řegnus n temmurt uca war nettiwi yessitsen i iḥenjiren nneɣ d tamɣart. ^■  

32 Uca mařa řegnus n temmurt usin-dd deg wass n ssebt, iwyen ṣṣeřɛet d ɛřam kuř imendi ḥima ad zzenzen aya, aqa neccin di ssebt niɣ deg ijj n wass iqeddsen nneɣni war xasen nettiwi walu uca aqa neccin ad nejj tammurt deg useggʷas wiss sebɛa u war nkessi arriba zeg uřa d yijjen. ^■  

33 Negga xaneɣ řumurat maḥend ad newc ict n ttuřut n uciql deg useggʷas i tsexxart n Taddart n AREBBI nneɣ, 34 i weɣrum n wescan u i tewhibt n řɣiǧet n řebda u i tɣarṣt n wecmaḍ n řebda deg wussan n ssebt u deg wussan n uyur n jdid, i řeɛyudat ittwaggen u i tmesřayin iqeddsen u i tɣarṣa n ddenb maḥend ad fdin x Israil u x marra tasexxart n taddart n AREBBI nneɣ. ^■  

35 Neccin, ikehhanen, Ilawiyyen d řgens, ggin taqedduḥt i tewhibt n ukeccuḍ tenni tuɣa ittxeṣṣan ad tᵉttwassidef ɣar Taddart n AREBBI nneɣ, ɛlaḥsab tudrin n ibabaten nneɣ, deg wussan ittwaggen, aseggʷas awarni i useggʷas, maḥend ad tᵉttwasecmeḍ x uɛalṭar n SIDI, AREBBI nneɣ, am mammec i tura di Ccariɛa. ^□  

36 Uca negga xaneɣ ɛawed maḥend ad nawi tamenzut n temmurt nneɣ d tmenzut n řɣiǧet n marra ticejjura ɣar Taddart n SIDI, aseggʷas x umas ^■   37 uřa d imenza n iḥenjiren nneɣ d řmař nneɣ am mammec i tura di Ccariɛa uca ad nawi imenza n ifunasen nneɣ d wuǧi nneɣ di Taddart n AREBBI, ɣar ikehhanen nni ittsexxaren di Taddart n AREBBI. ^■  

38 Uca negga xaneɣ ɛawed ad nettawi tamezwarut n min ittwaggen zeg warecti nneɣ u zi tewhibin n usgeɛɛed nneɣ u zi fruta n marra ticejjura u zi binu n jdid d zzect ɣar ikehhanen deg ixxamen n Taddart n AREBBI nneɣ, uřa d řeɛcur n temmurt nneɣ ɣar Ilawiyyen u Ilawiyyen simant nsen ad ṭṭfen řeɛcur di marra tineddam mani tuɣa nxeddem neccin x temmurt, ^■   39 uca ad din yiři ijj n ukehhan, ijj n mmis n Harun, ɣar Ilawiyyen xmi i ɣa ṭṭfen Ilawiyyen řeɛcur uca Ilawiyyen simant nsen ad awyen ict n teɛcart n řeɛcur ɣar Taddart n AREBBI, ɣar ixxamen n taddart n txubay, ^□  ■   40 minzi ayt n Israil d ayt n Lawi ad awyen tawhibt n usgeɛɛed n imendi, n binu n jdid d zzect deg ixxamen maɣar řeqcuɛ n Zzawect Iqeddsen aqa aten din uřa d ikehhanen inni ittsexxaren d iɛessasen n tewwura d imedyazen uca ittxeṣṣa aneɣ war nsemmeḥ ca di Taddart n AREBBI nneɣ.