1 Umi řḥiḍ tuɣa ittwasbedd ɛawed, imsar, aqa ggiɣ tiwwura ad ttwarekkbent u iɛessasen n tewwura d imedyazen d Ilawiyyen ad ttwařeqmen. ^□   2 Necc umureɣ i uma Ḥanani u i Ḥananya, ameqqran n lqelɛa di Urcalim, minzi netta d ijj n weryaz d amtiqqi, itteggʷed AREBBI ktar x waṭṭas inneɣni, 3 nniɣ asen: “War ttnurziment tewwura n Urcalim ɣares ař ɣa tezweɣ tfuct uca jjem ad bellɛen tiwwura, u ad arren izekrunen umi nitni bedden ɛad i tɛessast. Ittxeṣṣa ad ggen iɛessasen zeg imezdaɣ n Urcalim, kuř ijj deg wemcan n tɛessast nnes u kuř ijj qibač i taddart nnes. 4 Tuɣa tandint tennejbed u temɣar, tuɣa maca dayes řgens drus u tudrin tuɣa war bnint ɛad.

5 Igga AREBBI deg wuř inu ad řaɣiɣ i tarwa n taṣiřet d imḍebbaren ḥima ad yiři ijj n uzemmem n řgens uca ufiɣ lista n jjadira n yinni dd-igeɛɛden d amezwaru, ufiɣ yura dayes man aya:

6 “Zeg imenfiyyen inni iwyi akides Nabuxadnaṣṣar, ajeǧid n Babil, aqa d ina d ayt n lɛamala, inni dd-igeɛɛden zi tmeḥbast, ɛeqben ɣar Urcalim d Yahuda, kuř ijj ɣar tendint nnes, ^■   7 inni dd-yusin ak-d Zarubbabil, Yecuɛa, Naḥamya, Ɛazarya, Raɛamya, Naḥamani, Murdaxay, Bilcan, Misfarat, Biɣway, Naḥum d Baɛna.

Wa d řqedd n yeryazen n řgens n Israil. ^□  

8 Ayt n n Farɛuc, ařfayen u-mya u-tnayen u-sebɛin n yeryazen.

9 Ayt n Cafaṭya, teřt-mya u-tnayen u-sebɛin n yeryazen.

10 Ayt n Araḥ, setta-mya u-tnayen u-xemsin n yeryazen.

11 Ayt n Fahat-Mu’ab, zeg ayt n Yecuɛa d Yuwab, ařfayen u-tmenya-mya u-tmenya-ɛecra n yeryazen.

12 Ayt n Ɛilam, ařef u-mitayn u-arebɛa u-xemsin n yeryazen.

13 Ayt n Zattu, temn-mya u-xemsa u-rebɛin n yeryazen.

14 Ayt n Zakkay, sebɛa-mya u-settin n yeryazen.

15 Ayt n Binnay, setta-mya u-tmenya u-rebɛin n yeryazen.

16 Ayt n Babay, setta-mya u-tmenya u-ɛicrin n yeryazen.

17 Ayt n Ɛarjad, ařfayen u-ṭert-mya u-tnayen u-ɛicrin n yeryazen.

18 Ayt n Aduniqam, setta-mya u-sebɛa u-settin n yeryazen.

19 Ayt n Biɣway, ařfayen u-sebɛa u-settin n yeryazen.

20 Ayt n Ɛadin, setta-mya u-xemsa u-xemsin n yeryazen.

21 Ayt n Aṭir, zi Ḥizqiya, tmenya u-tesɛin n yeryazen.

22 Ayt n Ḥacum, teřt-mya u-tmenya u-ɛicrin n yeryazen.

23 Ayt n Biṣay, teřt-mya u-arebɛa u-ɛicrin n yeryazen.

24 Ayt n Ḥarif, mya u-tenɛac n yeryazen.

25 Ayt n Jibɛun, xemsa u-tesɛin n yeryazen.

26 Iryazen n Bayt-Laḥm d Naṭufa, mya u-tmenya u-tmanyin n yeryazen.

27 Iryazen n Ɛanatut, mya u-tmenya u-ɛicrin n yeryazen.

28 Iryazen n Bayt-Ɛazmut, tnayen u-rebɛin n yeryazen.

29 Iryazen n Qaryat-Yaɛarim, Kafira d Ba’irut, sebɛa-mya u-třata u-rebɛin n yeryazen.

30 Iryazen n Rama d Jabaɛ, setta-mya u-waḥed u-ɛicrin n yeryazen.

31 Iryazen n Mixmas, mya u-tnayen u-ɛicrin n yeryazen.

32 Iryazen n Bayt-Il d Ɛay, mya u-třata u-ɛicrin n yeryazen.

33 Iryazen n Nabu nneɣni, tnayen u-xemsin n yeryazen.

34 Ayt n ijj n Ɛilam nneɣni, ařef u-mitayn u-arebɛa u-xemsin n yeryazen.

35 Ayt n Ḥarim, teřt-mya u-ɛicrin n yeryazen.

36 Ayt n Ariḥa, teřt-mya u-xemsa u-rebɛin n yeryazen.

37 Ayt n Lud, Ḥadid d Unu, sebɛa-mya u-waḥed u-ɛicrin n yeryazen.

38 Ayt n Sana’a, teřt-ařaf u-tesɛa-mya u-třatin n yeryazen.

39 Ikehhanen.

Ayt n Yadaɛya, zi taddart n Yecuɛa, tesɛa-mya u-třata u-sebɛin n yeryazen.

40 Ayt n Immir, ařef u-tnayen u-xemsin n yeryazen.

41 Ayt n Facḥur, ařef u-mitayn u-sebɛa u-rebɛin n yeryazen.

42 Ayt n Ḥarim, ařef u-sbeɛṭac n yeryazen.

43 Ilawiyyen.

Ayt n Yecuɛa, ayt n Qadmiyil, zeg ayt n Huduwya, arebɛa u-sebɛin n yeryazen.

44 Imedyazen.

Ayt n Asaf, mya u-tmenya u-rebɛin n yeryazen.

45 Ayt n iɛessasen n tewwura.

Ayt n Callum, Ayt n Aṭir, ayt n Ṭalmun, ayt n Ɛaqqub, ayt n Ḥaṭiṭa, ayt n Cubay, aqa aten jmiɛ mya u-tmenya u-třatin n yeryazen.

46 Imsexxaren n Zzawect Tameqqrant.

Ayt n Ṣiḥa, ayt n Ḥasufa, ayt n Ṭabaɛut,

47 ayt n Qiruc, ayt n Ciɛa, ayt n Fadun,

48 ayt n Labana, ayt n Ḥajaba, ayt n Salmay,

49 ayt n Ḥanan, ayt n Jadil, ayt n Ḥajar,

50 ayt n Ra’aya, ayt n Raṣin, ayt n Naqquda,

51 ayt n Jazzam, ayt n Ɛazza, ayt n Fasiḥ,

52 ayt n Bisay, ayt n Maɛunim, ayt n Naficasim,

53 ayt n Baqbuq, ayt n Ḥaqufa, ayt n Ḥarḥur,

54 ayt n Baṣlit, ayt n Maḥida, ayt n Ḥarca,

55 ayt n Barqus, ayt n Sisara, ayt n Tamaḥ,

56 ayt n Naṣiḥ, ayt n Ḥaṭifa,

57 Ayt n imsexxaren n Suliman.

Ayt n Suṭay, ayt n Sufarat, ayt n Farida,

58 ayt n Yaɛla, ayt n Darqun, ayt n Jiddil,

59 ayt n Cafaṭya, ayt n Ḥattil, ayt n Fuxarat-Haḍḍabayim d ayt n Amun.

60 Marra imsexxaren n Zzawect Tameqqrant d ayt n imsexxaren n Suliman, aqa aten jmiɛ teřt-mya u-tnayen u-tesɛin n yeryazen.

61 Ina d inni igeɛɛden zi Tal-Milḥ, Tal-Ḥarca, Karub, Addan d Immir, maca nitni war zemmaren ad ssecnen zi jjihet n taddart n ibabaten nsen niɣ zi jjihet n zzariɛet nsen, aqa nitni ffɣen zi Israil: 62 ayt n Dalaya, ayt n Ṭubiya, ayt n Naqquda, setta-mya u-tnayen u-rebɛin n yeryazen.

63 Uca zeg ikehhanen: ayt n Ḥabaya, ayt n Haqquṣ, ayt n Barzillay, aqa zzaysen wenni iwyen ict n temɣart zi yessis n Ujilɛadi Barzillay u ittwařaɣa s yisem nsen.

64 Nitni arzun x tewriqt n uzemmem nsen di lista n jjadira, maca war tt ufin. S uyenni ttwasuffɣen nitni zi tukehhant. 65 Lwali ameqqran inna asen, war ttᵉtten zi tmesřayin iqeddsen qaɛ ɣares ař ɣa ikkar ijj n ukehhan ak-d Urim d Tummim.

66 Marra agraw n řgens tuɣa di tnayen u-rebɛin-ařef u-teřt-mya u-settin n yeryazen,

67 nhřa imsexxaren d tsemɣin nsen. Ina tuɣa aten marra sebɛa-ařaf u-teřt-mya u-sebɛa u-třatin uca ɣarsen mitayen u-xemsa u-rebɛin n imedyazen d tmedyazin.

68 Iřeɣman nsen tuɣa aten di arebɛa-mya u-xemsa u-třatin u iɣyař nsen tuɣa aten di setta-ařaf u-sebɛa-mya u-ɛicrin.

69 Ca zeg izeǧifen jar ibabaten n řaǧat wcin i řxedmet. Lwali ameqqran iwca i ssenduq n txubay n řxedmet ařef n draxmat n wureɣ d xemsin n ṭṭawyat i urucci d xemsa-mya u-třatin n tikkas i ikehhanen. ^□  

70 Ca nneɣni zeg izeǧifen n tudrin n ibabaten wcin i ssenduq n txubay i řxedmet ɛicrin-ařef n draxmat n wureɣ d ařfayen n minayat n nnuqart.

71 Uca min iqqimen zi řgens iwca ɛicrin-ařef n draxmat n wureɣ d ařfayen n minayat n nnuqart d sebɛa u-settin n tikkas i ikehhanen.

72 Zedɣen ikehhanen d Ilawiyyen d iɛessasen n tewwart d imedyazen d ca zi řgens d imsexxaren n Zzawect Tameqqrant uřa d marra Israil di tneddam nsen.