1 Zeg iḥenjiren n Asaf d Hayman d Yadutun iɛzeř Dawud ak-d ikumandaren n řɛeskar iryazen i tsexxart inni ittnebban s řgambriyat d lharpat d taǧunin n wuzzař. Řqedd n yeryazen i iggin řxedmet n tsexxart nsen tuɣa-t d wa:

2 X iḥenjiren n Asaf: Zakkur d Yusuf d Natanya d Acriyil, nitni d iḥenjiren n Asaf. Tuɣa-ten sadu ufus n Asaf. Netta tuɣa ittnebba x iceyyaren n ujeǧid.

3 X Yadutun: iḥenjiren n Yadutun tuɣa aten d Jadalya, Ṣari, Icaɛya, Ḥacabya d Mattitya, setta n iḥenjiren, inni ittqadan d inni issemɣaran SIDI sadu ufus n babatsen Yadutun, wenni tuɣa ittnebban s řgambri.

4 X Himan: iḥenjiren n Hayman tuɣa aten d Buqqiya, Mattanya, Ɛuzziyil, Cabuwil, Yarimut, Ḥananya, Ḥanani, Iliyata, Jiddalti, Rumamti-Ɛazar, Yucbaqaca, Malluti, Hutir d Maḥziyut. 5 Nitni marra tuɣa aten d iḥenjiren n Hayman, amwařaw n ujeǧid s řefhamet n wawařen n AREBBI. Ḥima ad issgeɛɛed icc nnes yarzef AREBBI i Hayman arbeɛṭac n iḥenjiren d tḥenjirin.

6 Marra ina tuɣa aten sadu ufus n babatsen, n Asaf, Yadutun d Hayman, i uɣenneɣ n izřan di Taddart n SIDI s taǧunin n wuzzař d lharpat d řgambriyat, i tsexxart di Taddart n AREBBI sadu ufus n ujeǧid. 7 Řqedd nsen, jmiɛ ak-d aytmatsen, inni tuɣa ittwasřemden deg izřan i SIDI, řqedd n marra inni ɣarsen tizemmar di man aya, tuɣa-t mitayen u-tmenya u-tmanyin.

8 Nitni nḍaren tiqedduḥin i tɛessast, am umeẓyan am umeqqran, am umseřmad am umeḥḍar.

9 Taqedduḥt tamezwarut tekkar as-dd i Yusuf.

Wiss tnayen i Jadalya. Netta d aytmas d iḥenjiren nnes, tenɛac n yeryazen.

10 Wiss třata tekkar as-dd i Zakkur. Iḥenjiren nnes d aytmas, tenɛac n yeryazen.

11 Wiss arebɛa tekkar as-dd i Yaṣri. Iḥenjiren nnes d aytmas, tenɛac n yeryazen.

12 Wiss xemsa tekkar as-dd i Natanya. Iḥenjiren nnes d aytmas, tenɛac n yeryazen.

13 Wiss setta tekkar as-dd i Buqqiya. Iḥenjiren nnes d aytmas, tenɛac n yeryazen.

14 Wiss sebɛa tekkar as-dd i Yacaryila. Iḥenjiren nnes d aytmas, tenɛac n yeryazen.

15 Wiss tmenya tekkar as-dd i Yacɛiya. Iḥenjiren nnes d aytmas, tenɛac n yeryazen.

16 Wiss tesɛa tekkar as-dd i Mattanya. Iḥenjiren nnes d aytmas, tenɛac n yeryazen.

17 Wiss ɛecra tekkar as-dd i Cimɛi. Iḥenjiren nnes d aytmas, tenɛac n yeryazen.

18 Wiss ḥiṭac tekkar as-dd i Ɛazaryil. Iḥenjiren nnes d aytmas, tenɛac n yeryazen.

19 Wiss tenɛac tekkar as-dd i Hacabya. Iḥenjiren nnes d aytmas, tenɛac n yeryazen.

20 Wiss třeṭṭac tekkar as-dd i Cubayil. Iḥenjiren nnes d aytmas, tenɛac n yeryazen.

21 Wiss arbeɛṭac tekkar as-dd i Mattitya. Iḥenjiren nnes d aytmas, tenɛac n yeryazen.

22 Wiss xemmesṭac tekkar as-dd i Yarimut. Iḥenjiren nnes d aytmas, tenɛac n yeryazen.

23 Wiss seṭṭac tekkar as-dd i Ḥananya. Iḥenjiren nnes d aytmas, tenɛac n yeryazen.

24 Wiss sbeɛṭac tekkar as-dd i Yacbaqacya. Iḥenjiren nnes d aytmas, tenɛac n yeryazen.

25 Wis tmenṭac tekkar as-dd i Ḥanani. Iḥenjiren nnes d aytmas, tenɛac n yeryazen.

26 Wiss tseɛṭac tekkar as-dd i Malluti. Iḥenjiren nnes d aytmas, tenɛac n yeryazen.

27 Wiss ɛicrin tekkar as-dd i Iliyata. Iḥenjiren nnes d aytmas, tenɛac n yeryazen.

28 Wiss waḥit u-ɛicrin tekkar as-dd i Hutir. Iḥenjiren nnes d aytmas, tenɛac n yeryazen.

29 Wiss tnayen u-ɛicrin tekkar as-dd i Jiddalti. Iḥenjiren nnes d aytmas, tenɛac n yeryazen.

30 Wiss třata u-ɛicrin tekkar as-dd i Maḥziyut. Iḥenjiren nnes d aytmas, tenɛac n yeryazen.

31 Wiss arebɛa u-ɛicrin tekkar as-dd i Rumamti-Ɛazar. Iḥenjiren nnes d aytmas, tenɛac n yeryazen.