Tirbiɛin n ikehhanen
24
1 Tirbiɛin n iḥenjiren n Harun. Tarwa n Harun tuɣa aten d Nadab, Abihu, Aliɛazar d Itamar. 2 Nadab d Abihu mmuten zzat i wudem n babatsen. War ɣarsen bu iḥenjiren. Aliɛazar d Itamar tuɣa ttsexxaren am ikehhanen. 3 Jmiɛ ak-d Ṣaduq zeg iḥenjiren n Aliɛazar u ak-d Aximalik zeg iḥenjiren n Itamar ibḍa i-ten Dawud ɛlaḥsab taweqqaft nsen i tsexxart nsen. 4 Ufin aqa ɣar iḥenjiren n Aliɛazar aṭṭas n izeǧifen x izeǧifen n yeryazen nni iǧan ɣar iḥenjiren n Itamar. Bḍan ten amenni: jar iḥenjiren n Iliɛazar tuɣa din seṭṭac n izeǧifen n řaǧat u jar iḥenjiren n Itamar tmenya n izeǧifen n řaǧat. 5 Nitni bḍan ten s tqedduḥt, am yina niɣ am yina, maɣar imeqqranen n Zzawect Iqeddsen, imeqqranen n AREBBI, tuɣa aten zeg iḥenjiren n Aliɛazar u zeg iḥenjiren n Itamar.
6 Cmaya, mmis n Natanyil, wenni tuɣa d amarir zi teqbič n Lawi, izemmen i-ten zzat i wudem n ujeǧid d imeqqranen d ukehhan Ṣaduq d Aximalik, mmis n Abyatar, u zzat i wudem n izeǧifen n řaǧat jar ikehhanen u jar Ilawiyyen. Ggin taqedduḥt i ijj n řaǧ n Aliɛazar, xenni i ijj n řaǧ n Itamar.
7 Taqedduḥt tamezwarut tekkar as-dd i Yahuyarib, wiss tnayen i Yadaɛya,
8 wiss třata i Ḥarim, wiss arebɛa i Saɛurim,
9 wiss xemsa i Malkiya, wiss setta i Miyamin,
10 wiss sebɛa i Haqquṣ, wiss tmenya i Abiya,
11 wiss tesɛa i Yecuɛa , wiss ɛecra i Cakanya,
12 wiss ḥittac i Ilyacib, wiss tenɛac i Yaqim,
13 wiss třeṭṭac i Ḥuffa, wiss arbeɛṭac i Yacabad,
14 wiss xemmesṭac i Bilja, wiss seṭṭac i Immir,
15 wiss sbeɛṭac i Ḥizir, wiss tmenṭac i Ḥafṣiṣ,
16 wiss tseɛṭac i Faqaḥya, wiss ɛicrin i Yaḥazqiyil,
17 wiss waḥit u-ɛicrin i Yaxin, wiss tnayen u-ɛicrin i Jamul,
18 wiss třata u-ɛicrin i Dalaya, wiss arebɛa u-ɛicrin i Maɛazya.
19 Ina tuɣa xasen taweqqaft maḥend ad adfen ɣar Taddart n SIDI ɛlaḥsab asettef n tsexxart nsen am mammec lfariḍa i dd-yusin s ufus n babatsen Harun am mammec i d as yumur SIDI, AREBBI n Israil.
Tiwacunin n Ilawiyyen
20 Zi jjihet n usettef n min iqqimen n iḥenjiren n Lawi:
Cubayil tuɣa d azeǧif i iḥenjiren n Ɛamram,
Yaḥadya tuɣa d azeǧif i iḥenjiren n Cubayil.
21 X Raḥabya: x iḥenjiren n Raḥabya tuɣa Yaciya d azeǧif.
22 X tarwa n Yiṣhar tuɣa Calumit d azeǧif.
X iḥenjiren n Calumit tuɣa Yahat d azeǧif.
23 U x iḥenjiren n Ḥibrun tuɣa Yariya d azeǧif, Amarya tuɣa-t d wiss tnayen, Yaḥziyil d wiss třata, Yaqmaɛam wiss arebɛa.
24 X iḥenjiren n Ɛuzziyil tuɣa Mixa d azeǧif.
X iḥenjiren n Mixa tuɣa Camir d azeǧif.
25 Umas n Mixa tuɣa d Yacciya. X iḥenjiren n Yaciya tuɣa Zakariyya d azeǧif.
26 Iḥenjiren n Marari tuɣa aten d Maḥli d Muci. X iḥenjiren n Yaɛazya tuɣa Banu d azeǧif.
27 Iḥenjiren n Marari n mmis Yaɛazya tuɣa aten d Banu d Cuham d Zakkur d Ɛibri.
28 N Maḥli tuɣa Aliɛazar d mmis. Wanita tuɣa war ɣares bu iḥenjiren.
29 X Qis: iḥenjiren n Qis: mɣir Yarḥamyil.
30 Iḥenjiren n Muci tuɣa aten d Maḥli, Ɛadir d Yarimut.
Ina tuɣa aten d iḥenjiren n Lawi, ttwasettfen ɛlaḥsab řaǧat nsen.
31 Uřa d nitni nḍaren tiqedduḥin amecnaw aytmatsen, iḥenjiren n Harun, zzat i wudem n ujeǧid Dawud d Ṣaduq d Aximalik d izeǧifen jar ibabaten n řaǧat n ikehhanen u jar Ilawiyyen, am ibabaten nni iǧan d azeǧif am umatsen d ameẓyan qaɛ.