1 Xenni qarrben-dd izeǧifen n tudrin n ibabaten n Ilawiyyen ɣar ukehhan Aliɛazar d Yacuwa, mmis n Nun, u qarrben-dd ɣar izeǧifen n tudrin n ibabaten n tqebbař n ayt n Israil. ^■   2 Ssiwřen akidsen di Cilu di temmurt n Kenɛan, nnan: “SIDI yumur s ufus n Musa, ad aneɣ mmewcent tneddam, ḥima ad daysent nezdeɣ, ak-d ddmani nsent n tarewsa i řebhayem nneɣ.” ^■   3 Xenni wcin ayt n Israil s řumur n SIDI, zi tesɣart nsen, tineddam ak-d ddmani nsent n tarewsa i Ilawiyyen.

4 Uca tekkar asent-dd tqedduḥt i řaǧat n Qahat. S tqedduḥt ikkar asen-dd i ayt n ukehhan Harun zeg Ilawiyyen třeṭṭac n tneddam zi temmurt n teqbič n Yahuda u n teqbič n Cimɛun u n teqbič n Binyamin. 5 I inni iqqimen n ayt n Qahat ikkar asen-dd s tqedduḥt ɛecra n tneddam zi temmurt n řaǧat n teqbič n Ifrayim u n teqbič n Dan u n wezyen n teqbič n Manassa.

6 I ayt n Jarcun ikkar asen-dd s tqedduḥt třeṭṭac n tneddam zi temmurt n řaǧat n teqbič n Issakar u n teqbič n Acir u n teqbič n Naftali u n wezyen n teqbič n Manassa di Bacan.

7 I ayt n Marari ikkar asen-dd s tqedduḥt tenɛac n tneddam, ɛlaḥsab řaǧat nsen, zi temmurt n teqbič n Rubin u n teqbič n Jad u n teqbič n Zabulun. 8 Ayt n Israil wcin tineddam-a ak-d ddmani nsent n tarewsa s tqedduḥt i Ilawiyyen, am mammec t yumur SIDI s ufus n Musa.

9 Zi temmurt n teqbič n ayt n Yahuda u zi teqbič n ayt n Cimɛun wcin asen tineddam-a i ittwannan s yisem nsent

10 u marra aya ikkar asen-dd i ayt n Harun nni iǧan zi řaǧat n Iqahatiyyen zeg ayt n Lawi, minzi taqedduḥt tamezwarut tewḍa xasen.

11 Nitni wcin asen tandint n Arbaɛ, babas n Ɛanaq, tenni d Ḥabrun, di Temmurt n Idurar n Yahuda ak-d ddmani nnes n tarewsa i d as dd-innḍen. ^□  

12 Maca iyyaren n tendint d ředcur nnes wcin ten d agřa i Kalib, mmis n Yafunni.

13 I ayt n ukehhan Harun wcin asen tineddam-a d tandint n tarewřa i uqettař: Ḥabrun ak-d ddmani nnes n tarewsa, d Libna ak-d ddmani nnes n tarewsa,

14 d Yattir ak-d ddmani nnes n tarewsa, d Ictumaɛ ak-d ddmani nnes n tarewsa,

15 d Ḥulun ak-d ddmani nnes n tarewsa, d Dabir ak-d ddmani nnes n tarewsa,

16 d Ɛayn ak-d ddmani nnes n tarewsa, d Yuṭṭa ak-d ddmani nnes n tarewsa, d Bayt-Cams ak-d ddmani nnes n tarewsa, marra jmiɛ tuɣa atent di tesɛa n tneddam zi tnayen n tqebbař-a.

17 Zi teqbič n Binyamin wcin asen Jibɛun ak-d ddmani nnes n tarewsa, d Jibɛa ak-d ddmani nnes n tarewsa,

18 Ɛanatut ak-d ddmani nnes n tarewsa, d Ɛalmun ak-d ddmani nnes n tarewsa. Marra jmiɛ tuɣa atent di arebɛa n tneddam.

19 Marra tineddam n ayt n Harun, n ikehhanen, tuɣa atent di třeṭṭac n tneddam ak-d ddmani nsent n tarewsa.

20 I řaǧat n ayt n Qahat, Ilawiyyen, nni iqqimen zeg ayt n Qahat kkarent asen-dd s tqedduḥt tineddam zi temmurt n teqbič n Ifrayim. 21 Wcin asen tineddam-a d tandint n tarewřa i uqettař: Cakim ak-d ddmani nnes n tarewsa x idurar n Ifrayim, d Jazar ak-d ddmani nnes n tarewsa, 22 d Qibṣayim ak-d ddmani nnes n tarewsa, d Bayt-Ḥurun ak-d ddmani nnes n tarewsa. Marra jmiɛ tuɣa atent di arebɛa n tneddam.

23 Zi teqbič n Dan kkarent asen-dd: Iltaqa ak-d ddmani nnes n tarewsa, Jibbatun ak-d ddmani nnes n tarewsa, 24 Ayalun ak-d ddmani nnes n tarewsa d Jad-Rimmun ak-d ddmani nnes n tarewsa. Marra jmiɛ tuɣa atent di arebɛa n tneddam.

25 Zi temmurt n wezyen n teqbič n Manassa kkarent asen-dd Taɛnak ak-d ddmani nnes n tarewsa d Jad-Rimmun ak-d ddmani nnes n tarewsa. Marra jmiɛ tuɣa atent di tnayen n tneddam. 26 Marra tineddam i řaǧat n ayt n Qahat nni iqqimen tuɣa atent di ɛecra n tneddam ak-d ddmani nsent n tarewsa.

27 Zi temmurt n wezyen n teqbič n Manassa kkarent asen-dd tneddam-a i ayt n Jarcun, zi řaǧat n Ilawiyyen, am tendint n tarewřa i uqettař: Julan di Bacan ak-d ddmani nnes n tarewsa d Baɛactara ak-d ddmani nnes n tarewsa. Marra jmiɛ tuɣa atent di tnayen n tneddam.

28 Zi temmurt n teqbič n Issakar kkarent asen-dd: Qicyun ak-d ddmani nnes n tarewsa, d Dabrat ak-d ddmani nnes n tarewsa, 29 Yarmut ak-d ddmani nnes n tarewsa, d Ɛayn-Jannim ak-d ddmani nnes n tarewsa. Marra jmiɛ tuɣa atent di arebɛa n tneddam.

30 Zi temmurt n teqbič n Acir kkarent asen-dd: Mic-Al ak-d ddmani nnes n tarewsa, d Ɛabdun ak-d ddmani nnes n tarewsa, 31 d Ḥalqat ak-d ddmani nnes n tarewsa d Raḥub ak-d ddmani nnes n tarewsa. Marra jmiɛ tuɣa atent di arebɛa n tneddam.

32 Zi temmurt n teqbič n Naftali kkarent asen-dd am tendint n tarewřa i uqettař: Qadac di Ljalil ak-d ddmani nnes n tarewsa, d Ḥammut-Dur ak-d ddmani nnes n tarewsa d Qartan ak-d ddmani nnes n tarewsa. Marra jmiɛ tuɣa atent di třata n tneddam. 33 Marra tineddam n ayt n Jarcun ɛlaḥsab řaǧat nsen tuɣa atent di třeṭṭac n tneddam ak-d ddmani nsent n tarewsa.

34 I řaǧat n ayt n Marari, aqa aten d inni iqqimen ɛad zi Ilawiyyen, mmewcent asen zi temmurt n teqbič n Zabulun, Juqnaɛam ak-d ddmani nnes n tarewsa, Qarta ak-d ddmani nnes n tarewsa, 35 Dimna ak-d ddmani nnes n tarewsa d Nahalal ak-d ddmani nnes n tarewsa. Marra jmiɛ tuɣa atent di arebɛa n tneddam.

36 Zi temmurt n teqbič n Rubin kkarent asen-dd Baṣar ak-d ddmani nnes n tarewsa, d Yahṣa ak-d ddmani nnes n tarewsa, 37 Qadimut ak-d ddmani nnes n tarewsa d Mafaɛa ak-d ddmani nnes n tarewsa. Marra jmiɛ tuɣa atent di arebɛa n tneddam.

38 Zi temmurt n teqbič n Jad kkarent asen-dd am tendint n tarewřa i uqettař: Ramut di Jilɛad ak-d ddmani nnes n tarewsa, d Maḥanayim ak-d ddmani nnes n tarewsa, 39 Ḥacbun ak-d ddmani nnes n tarewsa, d Yaɛzir ak-d ddmani nnes n tarewsa. Marra jmiɛ tuɣa atent di arebɛa n tneddam.

40 Tuɣa tina marra d tineddam i ayt n Marari, ɛlaḥsab řaǧat nsen, tinni iqqimen zi řaǧat n Ilawiyyen, tinni x dd-tewḍa tqedduḥt nsen, marra jmiɛ tuɣa tent di tenɛac n tneddam.

41 Marra tineddam di řwest n řwart n ayt n Israil tuɣa atent di tmenya u-rebɛin n tneddam ak-d ddmani nsent n tarewsa. 42 Tineddam-a tuɣa atent marra ak-d ddmani nsent n tarewsa i d asent innḍen. Ammu i tuɣa teǧa ɣar marra tineddam-a.

43 Ammu iwca SIDI i Israil marra tammurt nni tuɣa ijjuǧ ad tt iwc i ibabaten nsen uca nitni warten tt uca ruḥen zedɣen dayes. 44 Uca SIDI igga asen řhudnet zi marra iɣezdisen, am mammec marra nni tuɣa ijjuǧ i ibabaten nsen. Uřa d ijj zi řɛedyan nsen war d asen izemmar zzat i wudem nsen. SIDI iwca asen marra řɛedyan deg ufus nsen. 45 Uřa d ijj n wawař zi marra awařen icnan i zi issiweř SIDI ɣar taddart n Israil iwḍa. Marra aya ittwakemmeř.