1 Taqedduḥt i ayt n Yahuda, ɛlaḥsab řaǧat nsen, tekkar-asent ɣar weymir n Idum, řexřa n Ṣin, ɣar ljanub, di ljanub qaɛ. 2 Aymir n ljanub tuɣa-t i nitni zi manis iqeṭṭa Řebḥar Ameǧaḥ zeg yiřes n uqemmum n Řebḥar i dd-itteffɣen ɣar ljanub ^■   3 uca iɛeddu xenni ɣar ljanub n Tsunta n Tɣarḍmiwin uca iɛeddu ɣar Ṣin uca ittgeɛɛed zi ljanub n Qadac-Barniɛ, ittekk x Ḥaṣrun u ittgeɛɛad ɣar Addar uca idekkwař ɣar Qarqaɛ 4 u xenni ittekk x Ɛaṣmun u itteffeɣ ɣar Teɣzart n Miṣra uca ṭṭrufa n weymir ttakkwaḍen ař řebḥar. Wa aqa d aymir n ljanub i kenniw.

5 Aymir n ccarq aqa-t d Řebḥar Ameǧaḥ ɣar qeṭṭu n L'Urdun u aymir n ccamal zeg yiřes n Řebḥar, zi manis iqeṭṭa L’Urdun 6 u ssenni ittgeɛɛed weymir ɣar Bayt-Ḥujla uca iɛeddu ɣar ccamal n Bayt-Ɛaraba u xenni ittgeɛɛed ař weẓru n Buhan, mmis n Rubin, 7 uca ittgeɛɛed weymir zi Dabir zi Teɣzurt n Axur u ittenneḍ ɣar ccamal ɣar Jiljal wenni iǧan ajemmaḍ i tsunta n Adummim i iǧan ɣar ljanub n teɣzart u xenni iɛeddu weymir ɣar waman n Ɛayn-Camc uca itteffeɣ ɣar Ɛayn-Rujal. 8 Zi ssa ittgeɛɛed weymir zi teɣzurt n mmis n Hinnum, ɣar uɣezdis n ljanub n wedrar n n Uyabusi, aqa-t d Urcalim, u aymir yarenni ittgeɛɛed ɣar tqiccat n wedrar wenni iwcin ɣar řɣarb ɣar teɣzurt n mmis n Hinnum tenni iǧan ɣar ṭṭarf n uneggaru n teɣzurt n Irafawiyyen ɣar jjihet n ccamal. 9 Zi tqiccat n wedrar immars weymir ɣar tařa n Neftuḥa u iɛeddu ɣar tneddam n idurar n Ifrun u xenni immars weymir ɣar Baɛala, tenni d Qaryat-Yaɛarim.

10 Zi Baɛala ittakkwaḍ weymir ɣar řɣarb ɣar idurar n Saɛir uca iɛeddu x uɣezdis n ccamal n wedrar n Yaɛarim, aqa-t d Kasalun, uca ihekkwa ɣar Bayt-Cams u iɛeddu ɣar Timna.

11 Xenni iɛeddu weymir ɣar uɣezdis n ccamal n Ɛaqrun. Xenni immars weymir ɣar Cakrun u ittekk x uɣezdis n wedrar n Baɛla u itteffeɣ ɣar Yabniyil uca ṭṭrufa n weymir takkwaḍen ař řebḥar.

12 Aymir n řɣarb iɛeddu ař Řebḥar Ameqqran d tma n řebḥar. Wa d aymir n ayt n Yahuda zi marra iɣezdisen, ɛlaḥsab řaǧat nsen. ^■  

13 Kalib maca, mmis n Yafunni, iwca as ict n tesɣart di řwest n ayt n Yahuda, ɛlaḥsab tawṣeyyet zeg uqemmum n SIDI i Yacuwa, aqa-tt d tandint n Arbaɛ. Arbaɛ tuɣa d babas n Ɛanaq, ixs ad yini Ḥabrun. ^■  

14 Yuẓẓeř Kalib ssenni x třata n iḥenjiren n Ɛanaq: Cicay, Aximan u Talmay, inni dd-ittwaxeřqen i Ɛanaq. ^■  

15 Ssenni igeɛɛed ɣar imezdaɣ n Dabir. Dabir tuɣa qqaren as zic tandint n Sifr.

16 Inna Kalib: “Man wen i ɣa iwten tandint n Sifr ad tt iṭṭef, ad as wceɣ yeǧi Axsa d tamɣart!”

17 Ɛutniyil, mmis n Qanaz, umas n Kalib, iṭṭef i-tt u netta iwca as yeǧis Axsa d tamɣart.

18 Imsar umi nettat tusa-dd ɣar Ɛutniyil, tarra i-t ad ittar ijj n yeyyar x babas uca teḍra x weɣyuř nnes. Kalib isseqsa tt: “Min cem yuɣin?” ^□  

19 Nettat tarra: “Ewc ayi ict n lbaraka, maɣar cek tewcid ayi ict n temmurt tuẓeɣ, xenni ewc ayi uřa d řɛunṣarat n waman!” Uca iwca as řɛunṣarat n nnej d řɛunṣarat n wadday.

20 Ta d tasɣart n teqbič n ayt n Yahuda, ɛlaḥsab řaǧat nsen.

21 Tina tuɣa d tineddam iggʷejen n teqbič n ayt n Yahuda, ɣar weymir ak-d Idum di Temmurt n Ljanub: Qabṣiyil d Ɛidar d Yajur 22 d Qina d Dimuna d Ɛadada 23 d Qadac d Ḥaṣur d Yitnan 24 d Zif d Ṭalam d Baɛlut 25 d Ḥaṣur-Xadata d tneddam n Ḥaṣrun, ta d Ḥaṣur. 26 Xenni Amam d Camaɛ d Mulada 27 d Ḥaṣa-Jadda d Ḥacmun d Bayt-Falaṭ 28 d Ḥaṣar-Cuɛal d Bi’r-Sebɛa d Bizyutiya 29 d Baɛla d Ɛayyim d Ɛazam, 30 d Altulad d Kisil d Ḥurma 31 d Ṣiqlaɣ d Madmanna d Sansanna 32 d Labayut d Cilḥim d Ɛayn d Rimmun. Marra tineddam aqa atent di tesɛa u-ɛicrin ak-d ředcur nsent.

33 Di Temmurt Iwaṭan: Icta’ul d Ṣurɛa d Acna 34 d Zanux d Ɛayn-Jannim d Taffuḥ d Ɛaynam, 35 d Yarmut d Adullam d Suku d Aziqa 36 d Caɛarayim d Ɛaditayim d Judayra d Judayratayim. Marra jmiɛ tuɣa atent di arbeɛṭac n tneddam ak-d ředcur nsent.

37 Ṣanan d Ḥadaca d Mijdal-Jad 38 d Dilan d Miṣfa d Yaqtiyil 39 d Laxic d Buṣqat d Ɛajlun 40 d Kabbun d Laḥmas d Kitlic 41 d Judayrut d Bayt-Dajun d Naɛama d Maqqada. Marra jmiɛ tuɣa atent di seṭṭac n tneddam ak-d ředcur nsent.

42 Libna d Ɛatir d Ɛacan 43 d Yaftaḥ d Acna d Naṣib 44 d Qaɛila d Aksib d Marica. Marra jmiɛ tuɣa atent di tesɛa n tneddam ak-d ředcur nsent.

45 Ɛaqrun ak-d tneddam i ɣares dd-iqqnen d ředcur nnes. 46 Zi Ɛaqrun ɣares ař rebḥar, marra min iǧan ɣar uɣezdis n Acdud ak-d ředcur nsen. 47 Acdud ak-d tneddam i ɣares dd-iqqnen d ředcur nnes, Ɣazza ak-d tneddam i ɣares dd-iqqnen d ředcur nnes ɣares ař Taɣzart n Miṣra d Řebḥar Ameqqran ak-d temmurt n tma n řebḥar.

48 Di Temmurt n Idurar: Camir d Yattir d Suku 49 d Danna d tendint n Sanna, ta d Dabir, 50 d Ɛanab d Actimu d Ɛanim 51 d Jucan d Ḥulun d Jilu. Marra jmiɛ tuɣa atent di ḥiṭac n tneddam ak-d ředcur nsent.

52 Arab d Duma d Acɛan 53 d Yanum d Bayt-Taffuḥ d Afiqa 54 d Ḥumṭa d Qaryat-Arbaɛ, tenni d Ḥabrun, d Ṣaɛur. Marra jmiɛ tuɣa atent di tesɛa n tneddam ak-d ředcur nsent.

55 Maɛun d Karmal d Zif d Yuṭa 56 d Yizraɛil d Yuqdaɛam d Zanuḥ 57 d Qayin d Jibɛa d Timna. Marra jmiɛ tuɣa atent di ɛecra n tneddam ak-d ředcur nsent.

58 Ḥalḥul d Bayt-Ṣur d Jadur 59 d Maɛarat d Bayt-Ɛanut d Iltaqun. Marra jmiɛ tuɣa atent di setta n tneddam ak-d ředcur nsent.

60 Qaryat-Baɛl, aqa-t d Qaryat-Yiɛarim d Rabba. Marra jmiɛ tuɣa atent di tnayen n tneddam ak-d ředcur nsent. 61 Di řexřa Bayt-Ɛaraba d Middin d Sakaka 62 d Nibcan d tendint n Umeǧaḥ d Ɛayn-Jadi. Marra jmiɛ tuɣa atent di setta n tneddam ak-d ředcur nsent.

63 Maca ayt n Yahuda war zemmaren ad aẓẓřen x Iyabusiyyen inni d imezdaɣ n Urcalim. X uyenni zeddɣen Iyabusiyyen ɛad ak-d ayt n Yahuda di Urcalim ař ass-a.