1 Ina d ijeǧiden n temmurt, inni ittwawten zeg ayt n Israil uca xenni ṭṭfen nitni tammurt nsen d řwart, aɣirin i L'Urdun zi manis i d tneqqar tfuct, zi teɣzart n Arnun ɣares ař idurar n Ḥirmun d marra Řewḍa di ccarq.

2 Siḥun, ajeǧid n Imuriyyen, wenni i tuɣa izeddɣen di Ḥacbun, netta iḥkem x jjwayeh zi Ɛaruɛir ɣar tma n teɣzart n Arnun, ař řwest n teɣzart, u x wezyen n Jilɛad ɣares ař tiɣzart n Yabbuq, aqa-t d aymir n ayt n Ɛammun 3 u x Řewḍa ɣares ař řebḥar n Kinnarut di ccarq u ɣares ař řebḥar n Řewḍa, Řebḥar Ameǧaḥ, di ccarq, abrid n Bayt-Yacimut, u zi ljanub ař swadday i teysarin n Fisja.

4 Uřa d tammurt n Ɛuj, ajeǧid n Bacan, wenni iǧan zi min iqqimen zeg Irafawiyyen, inni d jwaheř, i tuɣa izeddɣen di Actarut d Idraɛi. ^■   5 Netta iḥkem x idurar n Ḥirmun, x Salxa u x marra Bacan ɣares ař weymir n Ijacuriyyen d Imaɛkiyyen u x wezyen n Jilɛad ɣares ař tammurt n Siḥun, ajeǧid n Ḥacbun.

6 Musa, amsexxar n SIDI, ak-d ayt n Israil, tuɣa wtin ten u Musa, amsexxar n SIDI, tuɣa iwca tammurt nni d řwart i Irubiniyyen d Ijadiyyen u i wezyen n teqbič n Manassa. ^■  

7 Ina d ijeǧiden n temmurt inni i tuɣa ittwawten zi Yacuwa d ayt n Israil, ɣar ujemmaḍ n L'Urdun di lɣarb, zi Baɛl-Jad di teysart n Lubnan ɣares ař adrar aqeccar wenni issgeɛɛden ɣar Saɛir. Uca Yacuwa iwca i-tt d řwart i tqebbař n Israil ɛlaḥsab tarbiɛin nsen. ^■   8 Di Temmurt n Idurar u di Temmurt Iwaṭan u di Řewḍa u di teysarin u di řexřa u di Temmurt n Ljanub: Iḥittiyyen, Imuriyyen, Ikenɛaniyyen, Ifariziyyen, Iḥiwiyyen d Iyabusiyyen.

9 Ajeǧid n Ariḥa: d ijj. Ajeǧid n Ɛay i iǧan ɣar uɣezdis n Bayt-Il: d ijj.

10 Ajeǧid n Urcalim: d ijj. Ajeǧid n Ḥabrun: d ijj.

11 Ajeǧid n Yarmut: d ijj. Ajeǧid n Laxic: d ijj.

12 Ajeǧid n Ɛajlun: d ijj. Ajeǧid n Jazar: d ijj.

13 Ajeǧid n Dabir: d ijj. Ajeǧid n Jadar: d ijj.

14 Ajeǧid n Ḥurma: d ijj. Ajeǧid n Ɛarad: d ijj.

15 Ajeǧid n Libna: d ijj. Ajeǧid n Ɛadullam: d ijj.

16 Ajeǧid n Maqqida: d ijj. Ajeǧid n Bayt-Il: d ijj.

17 Ajeǧid n Taffuḥa: d ijj. Ajeǧid n Ḥafar: d ijj.

18 Ajeǧid n Afiq: d ijj. Ajeǧid n Laccarun: d ijj.

19 Ajeǧid n Madun: d ijj. Ajeǧid n Ḥaṣur: d ijj.

20 Ajeǧid n Cimrun-Mara’un: d ijj. Ajeǧid n Akcaf: d ijj.

21 Ajeǧid n Taɛnak: d ijj. Ajeǧid n Majiddu: d ijj.

22 Ajeǧid n Qadac: d ijj. Ajeǧid n Yuqnaɛam ɣar Karmal: d ijj.

23 Ajeǧid n Dur x tiwririn ɣar Dur: d ijj. Ajeǧid n Juyim di Jiljal: d ijj.

24 Ajeǧid n Tirṣa: d ijj. Marra ijeǧiden-a aqa aten di waḥit u-třatin.