1 Xenni usint-i-dd yessis n Ṣalufḥad, mmis n Ḥafar, mmis n Jilɛad, mmis n Makir, mmis n Manassa, inni n řaǧ n Manassa, mmis n Yusuf, d ina d ismawen n yessis: Maḥla, Nuɛa, Ḥujla, Milka d Tirṣa.^■   2 Tuɣa beddent zzat i wudem n Musa u zzat i wudem n Aliɛazar, akehhan, u zzat i wudem n imɣaren u zzat i wudem n marra tamesmunt ɣar wadaf n Uqiḍun n Umsagar, nnant: 3 “Babatneɣ immut di řexřa u war t tuɣi jar ubarru n yinni imunen ḍidd i SIDI, deg ubarru n Quraḥ war din t tuɣi netta, minzi immut di ddnub nnes u tuɣa war ɣares ca iḥenjiren. ^□  ■   4 Mayemmi i ɣa ikkes isem n babatneɣ zi jar řaǧ nnes, ma minzi war ɣares tuɣi ca iḥenjiren? Ewc aneɣ agřa di řwest n aytmas n babatneɣ.”

5 Musa yiwi ddeɛwa nsent zzat i wudem n SIDI. 6 Issiweř SIDI ak-d Musa, inna:

7 “Aqa aya am mammec t nnant yessis n Ṣalufḥad. Ittxeṣṣa ad asent tewced tasɣart n řwart di  řwest n aytmas n babatsen uca ad xasent tesseɛdud řwart n babatsent. ^■   8 Uca ad tessiwřed ak-d ayt n Israil, ad tinid ‘Mařa ca n yijjen immut břa mmis, xenni ad tesseɛdum řwart nnes ɣar yeǧis, 9 u mařa war ɣares yeǧis, ad tewcem řwart nnes i yaytmas.

10 Mařa war ɣares aytmas ɛawed, ad tewcem řwart nnes i yaytmas n babas.

11 Mařa babas war ɣares aytmas ɛawed, ad tewcem řwart nnes i raǧ nnes, i wenni i d as dd-yudsen zi řaǧ nnes, ḥima ad tt iwart netta.’ Man aya ad tiři d ict n tewṣeyyet n řḥeqq i řebda i ayt n Israil, am mammec t yumur SIDI i Musa.”

12 Xenni inna SIDI i Musa: “Gaɛɛed-dd adrar-a Abarim uca xzar tammurt nni wciɣ i ayt n Israil. ^■  

13 Xmi tt i ɣa tẓared, xenni ad tᵉttwassarsed deg wenḍeř ak-d řejdud nnek, cek ɛawed amecnaw mammec kidsen ittwassars umac Harun, ^■  

14 minzi kenniw tɣewwɣem zzat i tiṭṭawin nsen ḍidd i řumur inu maḥend ad ayi tessqeddsem di řexřa n Ṣin, řami din tuɣa amcubbec di tmesmunt. Aqa d ina d aman n Mariba, ɣar Qadac di řexřa n Ṣin.” ^■  

15 Issiweř Musa ak-d SIDI, inna:

16 “Ad igg SIDI, AREBBI n buḥbeřat n marra ddat, aḥeṭṭu x tmesmunt-a deg ufus n ijj n weryaz, ^■  

17 ḥima netta ad yuyur zzat i wudem nsen uca ad yadef zzat i wudem nsen uca ad ten indeh ɣar barra, ad ten issidef ɣar daxeř maḥend tamesmunt n SIDI war tᵉttiři am wuǧi břa ameksaw.” ^□  ■  

18 Xenni inna SIDI i Musa: “Ksi Yacuwa, mmis n Nun, ijj n weryaz i di iǧa Arruḥ uca sars xas afus nnek ^■  

19 uca ad t tegged zzat i wudem n ukehhan Aliɛazar u zzat i marra tamesmunt, ad as tewced řumur zzat i tiṭṭawin nsen 20 uca ewc as ca zeg uweqqar nnek ḥima ad as tseř tamesmunt marra n ayt n Israil. 21 Netta ad ibedd zzat i ukehhan Aliɛazar, wenni i ɣa icawar zzat i wudem n SIDI ɛlaḥsab řeḥkam n Urim. X řumur nnes ad dd-ffɣen ɣar barra u x řumur nnes ad adfen ɣar daxeř, netta d marra ayt n Israil uřa d marra tamesmunt.” ^■  

22 Uca Musa igga am mammec i d as yumur SIDI. Yiwi Yacuwa uca issbedd i-t zzat i ukehhan Aliɛazar u zzat i wudem n marra tamesmunt. 23 Issars xas ifassen nnes uca isseɛdu as řumur am mammec d as inna SIDI s ufus n Musa.