1 Issiweř SIDI ak-d Musa d Aliɛazar, mmis n Harun, akehhan, inna:

2 “Ḥesbem marra tamesmunt n ayt n Israil, azeǧif azeǧif, zi ɛicřin n iseggʷusa sennej, ɛlaḥsab taddart n ibabaten nsen, kuř ijjen di Israil nni dd-itteffɣen ak-d řɛeskar.” ^■   3 Musa d Aliɛazar, akehhan, ssiwřen akidsen di řewḍat n Mu’ab, ɣar L'Urdun arendad n Ariḥa uca nnan 4 “Zi ɛicřin n iseggʷusa sennej!” am mammec t yumur SIDI i Musa.

Ina d ayt n Israil nni tuɣa dd-iffɣen zi temmurt n Miṣra: ^■  

5 Rubin tuɣa d amenzu n Israil. Aqa ina d iḥenjiren n Rubin: zi Ḥanuk řaǧ n Iḥanukiyyen, zi Fallu řaǧ n Ifalluwiyyen, ^■  

6 zi Ḥaṣrun řaǧ n Iḥaṣruniyyen, zi Karmi řaǧ n Ikarmiyyen.

7 Tina tuɣa d řaǧat n Irubiniyyen uca inni zzaysen ittwaḥesben tuɣa aten di třata u-rebɛin-ařef u-sebɛa-mya u-třatin n yeryazen.

8 Tarwa n Fallu tuɣa aten: mɣir Iliyab.

9 Tuɣa iḥenjiren n Iliyab: Nimuyil, Datan d Abiram. Ina, Datan d Abiram, tuɣa aten d imřaɣan n tmesmunt inni iɣewwɣen ḍidd i Musa d Harun, jmiɛ ak-d ubarru n Quraḥ, umi ɣewwɣen ḍidd i SIDI. ^□  ■  

10 Tammurt tarzem aqemmum nnes uca tsarḍ i-ten, jmiɛ ak-d Quraḥ, řami immut ubarru nni umi timessi tecca mitayen u-xemsin n yeryazen. Dewřen nitni d ijj n weɛřam.

11 Maca iḥenjiren n Quraḥ war mmuten ca.

12 Ina tuɣa d iḥenjiren n Cimɛun ɛlaḥsab řaǧat nsen: zi Nimuyil iqars řaǧ n Inimuyiliyyen, zi Yamin řaǧ n Iyaminiyyen, zi Yakin řaǧ n Iyakiniyyen,

13 zi Zaraḥ řaǧ n Izaraḥiyyen, zi Cawul řaǧ n Icawuliyyen.

14 Tina tuɣa d řaǧat n Icimɛuniyyen: tnayen u-ɛicrin-ařef u-mitayn n yeryazen.

15 Ina tuɣa d iḥenjiren n Jad ɛlaḥsab řaǧat nsen: zi Ṣifun iqars řaǧ n Iṣifuniyyen, zi Ḥajji řaǧ n Iḥajjiwiyyen, zi Cuni řaǧ n Icuniyyen,

16 zi Uzni řaǧ n Iyuzniyyen, zi Ɛiri řaǧ n Iɛiriyyen,

17 zi Arud řaǧ n Irudiyyen, zi Ariyili řaǧ n Iriyiliyyen.

18 Tina tuɣa atent d řaǧat n Jad uca inni zzaysen ittwaḥesben tuɣa aten di arebɛin-ařef u-xemsa-mya.

19 Tarwa n Yahuda tuɣa aten d Ɛir d Unan. Maca mmuten Ɛir d Unan di temmurt n Kenɛan. ^■   20 Ina tuɣa aten d iḥenjiren n Yahuda ɛlaḥsab řaǧat nsen: zi Cayla iqars řaǧ n Icilayyen, zi Fariṣ řaǧ n Ifaraṣiyyen, zi Zaraḥ řaǧ n Izaraḥiyyen.

21 Ina tuɣa aten d iḥenjiren n Fariṣ: zi Ḥaṣrun iqars řaǧ n Iḥaṣruniyyen, zi Ḥamul řaǧ n Iḥamuliyyen. ^■   22 Tina tuɣa atent d řaǧat n Yahuda uca inni zzaysen ittwaḥesben tuɣa aten di setta u-sebɛin-ařef u-xemsa-mya n yeryazen.

23 Ina tuɣa aten d iḥenjiren n Issakar ɛlaḥsab řaǧat nsen: zi Tulaɛ iqars řaǧ n Itulaɛiyyen, zi Puwa řaǧ n Ipuwaniyyen, 24 zi Yacub řaǧ n Iyacubiyyen, zi Cimrun řaǧ n Icimruniyyen. 25 Tina tuɣa atent d řaǧat n Issakar uca inni zzaysen ittwaḥesben tuɣa aten di arebɛa u-settin-ařef u-teřt-mya n yeryazen.

26 Ina tuɣa aten d iḥenjiren n Zabulun ɛlaḥsab řaǧat nsen: zi Sarid iqars řaǧ n Isaridiyyen, zi Ilun řaǧ n Iluniyyen, zi Yaḥliyil řaǧ n Iyaḥliyiliyyen. 27 Tina tuɣa atent d řaǧat n Izabuluniyyen uca inni zzaysen ittwaḥesben tuɣa aten di settin-ařef u-xemsa-mya n yeryazen.

28 Ina tuɣa aten d iḥenjiren n Yusuf ɛlaḥsab řaǧat nsen: Manassa d Ifrayim.

29 Ina tuɣa aten d iḥenjiren n Manassa: zi Makir iqars řaǧ n Imakiriyyen. Makir yejj-dd Jilɛad. Zi Jilɛad iqars řaǧ n Ijilɛadiyyen. ^■  

30 Ina tuɣa aten d iḥenjiren n Jilɛad: zi Iɛazar iqars řaǧ n Iɛazariyyen, zi Ḥalaq řaǧ n Iḥalaqiyyen, 31 zi Asriyil řaǧ n Isriyiliyyen, zi Cakam řaǧ n Icakamiyyen, 32 zi Cimidaɛ řaǧ n Icimdaɛiyyen, zi Ḥafar řaǧ n Iḥafariyyen.

33 Uca Ṣalufḥad, mmis n Ḥafar, war tuɣi ɣares iḥenjiren, mɣir tiḥenjirin. Ina tuɣa aten d ismawen n yessis n Ṣalufḥad: Maḥla, Nuɛa, Ḥujla, Milka d Tirṣa. ^■  

34 Tina tuɣa atent d řaǧat n Manassa uca inni zzaysen ittwaḥesben tuɣa aten di tnayen u-xemsin-ařef u-sebɛa-mya n yeryazen.

35 Ina tuɣa aten d iḥenjiren n Ifrayim, ɛlaḥsab řaǧat nsen: zi Cutalaḥ iqars řaǧ n Icutalaḥiyyen, zi Bakar řaǧ n Ibakariyyen, zi Taḥan řaǧ n Itaḥaniyyen.

36 Ina tuɣa aten d iḥenjiren n Cutalaḥ: zi Ɛiran řaǧ n Iɛiraniyyen.

37 Tina tuɣa atent d řaǧat n warrawen n Ifrayim uca inni zzaysen ittwaḥesben tuɣa aten di tnayen u-třatin-ařef u-xemsa-mya n yeryazen.

Ina tuɣa aten d arrawen n Yusuf, ɛlaḥsab řaǧat nsen.

38 Ina tuɣa aten d iḥenjiren n Binyamin ɛlaḥsab řaǧat nsen: zi Bilaɛ iqars řaǧ n Ibilaɛiyyen, zi Acbil řaǧ n Icbiliyyen, zi Aḥiram řaǧ n Iḥiramiyyen, 39 zi Cafufam řaǧ n Icafufamiyyen, zi Ḥufam řaǧ n Iḥufamiyyen.

40 Ina tuɣa aten d iḥenjiren n Balaɛ: Ard d Nuɛman. Zi Ard iqars řaǧ n Irdiyyen, zi Nuɛman řaǧ n Inuɛmaniyyen.

41 Ina tuɣa aten d iḥenjiren n Binyamin, ɛlaḥsab řaǧat nsen uca inni zzaysen ittwaḥesben tuɣa aten di xemsa u-rebɛin-ařef u-setta-mya n yeryazen.

42 Ina tuɣa aten d iḥenjiren n Dan ɛlaḥsab řaǧat nsen: zi Cuḥam iqars řaǧ n Icuḥamiyyen. Tina tuɣa d řaǧat n Dan, ɛlaḥsab řaǧat nsen.

43 Marra řaǧat n Icuḥamiyyen ɛlaḥsab inni zzaysen ittwaḥesben tuɣa atent di arebɛa u-settin-ařef u-arebɛa-mya n yeryazen.

44 Ina tuɣa aten d iḥenjiren n Acir ɛlaḥsab řaǧat nsen: zi Yimna iqars řaǧ n Iyimniyyen, zi Yicwi řaǧ n Iyicwiyyen, zi Bariɛa řaǧ n Ibariɛiyyen.

45 Ina tuɣa aten d iḥenjiren n Biriɛa: zi Ḥabir iqars řaǧ n Iḥabariyyen, zi Malkiyil řaǧ n Imalkiyiliyyen. 46 Isem n yeǧis n Acir tuɣa-tt d Saraḥ.

47 Ina tuɣa aten d iḥenjiren n Acir uca inni zzaysen ittwaḥesben tuɣa aten di třata u-xemsin-ařef u-arebɛa-mya n yeryazen.

48 Ina tuɣa aten d iḥenjiren n Naftali ɛlaḥsab řaǧat nsen: zi Yaḥasyil iqars řaǧ n Iyaḥasiliyyen, zi Juni řaǧ n Ijuniyyen, 49 zi Yaṣir řaǧ n Iyaṣiriyyen, zi Cillim řaǧ n Icillimiyyen.

50 Tina tuɣa atent d řaǧat n Naftali, ɛlaḥsab řaǧat nsen uca inni zzaysen ittwaḥesben tuɣa aten di xemsa u-rebɛin ařaf u-arebɛa-mya n yeryazen.

51 Ina d inni ittwaḥesben zeg ayt n Israil: setta-mya u-waḥit-ařef u-sebɛa-mya u-třatin n yeryazen.

52 Issiweř SIDI ak-d Musa, inna:

53 “Jar ina ad tᵉttwabḍa temmurt d řwart, ɛlaḥsab řqedd n ismawen nsen. 54 I wenni umi ɣar iǧa aṭṭas n iwdan, ad tewced ktar d řwart uca i wenni umi ɣar iǧa drus n iwdan, ad tewced qell d řwart. Kuř ijjen ɛlaḥsab inni ittwaḥesben ad as immewc tasɣart nnes. ^■   55 Tammurt ad tᵉttwabḍa s tqedduḥt. Nitni ad warten ɛlaḥsab ismawen n tqebbař n ibabaten nsen. ^■   56 Ad tᵉttwabḍa tesɣart n kuř ijj s tqedduḥt jar inni iǧan s waṭṭas d inni iǧan s drus.

57 \bdit Tuɣa-ten\add* ina d inni ittwaḥesben zi Lawi ɛlaḥsab řaǧat nsen:\bd* zi Jarcun řaǧ n Ijarcuniyyen, zi Qahat řaǧ n Iqahatiyyen, zi Marari řaǧ n Imarariyyen. ^■   58 Tuɣa tina d řaǧat n Ilawiyyen: řaǧ n Ilibniyyen, řaǧ n Iḥibruniyyen, řaǧ n Imahliyyen, řaǧ n Imuciyyen, řaǧ n Iquraḥiyyen. Uca Qahat yejj-dd Ɛamram. 59 Tamɣart n Ɛamram qqarent as Jukabad, yeǧi n Lawi, tenni dd-ittwarwen i Lawi di Miṣra. D nettat turuw-dd Harun d Musa d Maryam, učmatsen, i Ɛamram. ^■   60 I Harun ttwarwen as-dd Nadab d Abihu, Aliɛazar d Itamar. 61 Maca Nadab d Abihu mmuten, umi dd-iwyen timessi taɣribt zzat i wudem n SIDI. ^■   62 Tuɣa inni zzaysen ittwaḥesben, marra iwetman n ijj n uyur sennej, di třata u-ɛicrin-ařef. Ina maca war ttwaḥesben ca jar ayt n Israil, minzi war d asen temmewc tesɣart d řwart jar ayt n Israil.

63 Ina tuɣa aten d inni ittwaḥesben s ufus n Musa d Aliɛazar, akehhan. Nitni ḥesben ayt n Israil di řewḍat n Mu’ab, ɣar L'Urdun arendad n Ariḥa. 64 War tuɣi jar asen uřa d ijj zeg inni ittwaḥesben n Musa d Harun, akehhan, umi ḥesben nitni ayt n Israil di řexřa n Sina. 65 minzi xasen tuɣa inna SIDI ad mmten s tidett di řexřa. War zzaysen iqqim uřa d ijj, mɣir Kalib, mmis n Yafunni, d Yacuwa, mmis n Nun.” ^■