1 Izdeɣ Israil di Ciṭṭim uca ibda řgens ad issefsed ixef nnes ak-d yessis n Mu’ab. ^■   2 Ɛarḍen-dd řgens ɣar tɣarṣi n irebbiten nsent uca řgens icca zzaysent uca yuḍar i irebbiten nsent.^■   3 Ammu imun řgens ak-d Baɛl-Faɣur uca yarɣa weɣḍab n SIDI x Israil. ^■  

4 Inna SIDI i Musa: “Ksi marra iryazen nni d izeǧifen n řgens uca ayeř i-ten zzat i SIDI di tfuct iḥarren, ař dd ɣa ittwadweř řḥaduq n weɣḍab n SIDI n Israil.” ^■   5 Xenni inna Musa i řquḍat n Israil: “Ejj kuř ijj ad ineɣ inni zi jar yeryazen nnes imunen ak-d Baɛl-Faɣur!”

6 Uca xzar, ijj n weryaz zeg ayt n Israil yusa-dd uca yiwi-dd ict n temɣart tmidiyanect ɣar aytmas zzat i tiṭṭawin n Musa uca zzat i tiṭṭawin n marra tamesmunt n ayt n Israil, am trun nitni ɣar wadaf n Uqiḍun n Umsagar. 7 Iẓra i-t Finaḥas, mmis n Aliɛazar, mmis n Harun, uca netta ikkar zi řwest n tmesmunt. Netta iksi ijj n uḥric deg ufus nnes ^■   8 uca iruḥ awarni i weryaz Ayisraili ɣar uqiḍun s řqubbet uca issnuqqeb i-ten s tnayen, ammu aryaz zi Israil uřa d tamɣart s uɛeddis nnes. Xenni tbedd jjriḥect x ayt n Israil. 9 Uca mmuten di jjriḥect arebɛa u-ɛicrin-ařef n iwdan. ^■  

10 Issiweř SIDI ak-d Musa, inna:

11 “Fineḥas, mmis n Aliɛazar, mmis n Harun, akehhan, issedweř-dd asɛar inu x ayt n Israil, minzi netta tuɣa imḥeḍ aṭṭas di řwest nsen di ṭṭweɛ n tusmi inu, ařami Necc war hdijeɣ ɛad ad teḥḥiɣ ayt n Israil di řweqt n tusmi inu. ^■  

12 S uya ini: ‘Xẓar, ad as wceɣ Řɛahd inu n řehna. ^■  

13 Netta d zzariɛet nnes awarni as ad ɣarsen yiři Řɛahd n tukehhant i řebda, minzi netta tuɣa imḥeḍ di ṭṭweɛ n AREBBI nnes uca ifda x ayt n Israil.’ ”

14 Isem n weryaz Ayisraili nni ittwanɣen, wenni tuɣa ittwanɣen jmiɛ ak-d temɣart Tamidyanect, tuɣa-t d Zimri, mmis n Salu, ameqqran x taddart n babatsen n Icimɛuniyyen.

15 Isem n temɣart Tamidyanict i tuɣa ittwanɣen tuɣa-tt Kuzbi, yeǧis n Ṣur, wenni d ijj n uzeǧif x teqbič n ict n řaǧ n Imidyaniyyen.

16 Issiweř SIDI ak-d Musa, inna:

17 “Ḥṣarem x Imidyaniyyen uca ɣellbem xasen,^■  

18 minzi nitni ḥṣaren kenniw s teḥraymect nsen s minzi kenniw zeřɣen zi jjihet n Faɣur d Kuzbi, yeǧis n umɣar n Midyan, učmatsen, tenni ittwanɣen deg wass n jjriḥect di ssibbet n Faɣur.” ^■  

19 Uca awarni i jjriḥect imsar min dd-igguren.