1 Imsar deg wass min di ikemmeř Musa asbeddi n Tzeddiɣt, idhen u issqeddes i-tt ak-d d řeqcuɛ nnes uřa marra aɛalṭar ak-d řeqcuɛ nnes. Aqa idhen i-ten uca issqeddes i-ten. ^■   2 Xenni qarrben-dd imeqqranen n Israil, izeǧifen n řaǧat. Nitni d imeqqranen n tqebbař, nitni tuɣa x yenni ittwaḥesben. 3 Nitni iwyen-dd tawhibt nsen zzat i wudem n SIDI: setta n ikarruten s tseqqift d tenɛac n ifunasen, aqa d ijj n ukarru i tnayen n imɣaren d ijj n uyenduz i kuř ijj n umɣar, uca iwyen ten zzat i wudem n Tzeddiɣt.

4 Issiweř SIDI ak-d Musa, inna:

5 “Ksi aya zzaysen, ḥima ad iřin i řxedmet n tsexxart n Uqiḍun n Umsagar. Ittxeṣṣa ad ten tewced i Ilawiyyen, i kuř aryaz am mammec dd-ittas ak-d tsexxart nnes.” 6 Uca Musa iṭṭef ikarruten d ifunasen uca iwca i-ten i Ilawiyyen. 7 Tnayen n ikarruten d arebɛa n ifunasen i iwca i ayt n Jarcun, am mammec dd-ittas ak-d tsexxart nsen, 8 u i ayt n Marari iwca asen arebɛa n ikarruten d tmenya n ifunasen, am mammec dd-ittas ak-d tsexxart nsen sadu ufus n Itamar, mmis n ukehhan Harun. 9 I ayt n Qahat war d asen iwci walu, minzi tuɣa xasen tasexxart n Zzawect Iqeddsen, nitni arbun Zzawect x tɣarwaḍ nsen.

10 Xenni qarrben-dd imɣaren ak-d tewhibt i udeccen n uɛalṭar deg wass min di ittwadhen uɛalṭar. Imɣaren aqa iwyen tiwhibin nsen zzat i wudem n uɛalṭar.

11 Inna SIDI i Musa: “Ijj n umɣar deg ijj n wass, xenni ɛawed ijj n umɣar deg wass awarni as, ammu ad qarrben nitni ak-d tewhibin nsen i udeccen n uɛalṭar.

12 Deg wass amezwaru issqarreb-dd Naḥcun, mmis n Ɛamminadab, zi teqbič n Yahuda, tawhibt nnes.

13 Tuɣa-tt d tawhibt nnes: ijj n ṭṭebṣi n nnuqart n mya u-třatin n iciqlen n ddqeř, d ict n ṭṭawya i urucci n nnuqart n sebɛin n iciqlen, ɛlaḥsab aciql n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.

14 Xenni ict n tɣenjact n wureɣ n ɛecra n iciqlen teccur s řebxur,

15 ijj n uyenduz, ameẓyan n ufunas, ijj n icarri, ijj n izmar n ijj n useggʷas am tɣarṣt n wecmaḍ,

16 ijj n iɣayḍ d ameẓyan i tɣarṣt n wecmaḍ,

17 u i tɣarṣt n řehna: tnayen n ifunasen d xemsa n icarriyyen d xemsa n iɣayḍen d xemsa n izmaren n ijj n useggʷas. Aqa ta d tawhibt n Naḥcun, mmis n Ɛamminadab.

18 Deg wass wiss tnayen issqarreb-dd Natanayil, mmis n Ṣuɣar, wenni d ameqqran n Issakar, tawhibt nnes.

19 Tuɣa-tt d tawhibt nnes: ijj n ṭṭebṣi n nnuqart n mya u-třatin n iciqlen n ddqeř, d ict n ṭṭawya i urucci n nnuqart n sebɛin n iciqlen, ɛlaḥsab aciql n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet. 20 Xenni ict n tɣenjact n wureɣ n ɛecra n iciqlen teccur s řebxur, 21 ijj n uyenduz, ameẓyan n ufunas, ijj n icarri d ijj n izmar n ijj n useggʷas am tɣarṣt n wecmaḍ, 22 ijj n iɣayḍ d ameẓyan i tɣarṣt n wecmaḍ, 23 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Natanayil, mmis n Ṣuɣar.

24 Deg wass wiss třata issqarreb-dd umɣar n ayt n Zabulun, Iliyab, mmis n Ḥilun, tawhibt nnes. 25 Tuɣa-tt d tawhibt nnes: ijj n ṭṭebṣi n nnuqart n mya u-třatin n iciqlen n ddqeř, d ict n ṭṭawya i urucci n nnuqart n sebɛin n iciqlen, ɛlaḥsab aciql n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet. 26 Xenni ict n tɣenjact n wureɣ n ɛecra n iciqlen teccur s řebxur, 27 ijj n uyenduz, ameẓyan n ufunas, ijj n icarri d ijj n izmar n ijj n useggʷas am tɣarṣt n wecmaḍ, 28 ijj n iɣayḍ d ameẓyan i tɣarṣt n wecmaḍ, 29 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Iliyab, mmis n Ḥilun.

30 Deg wass wiss arebɛa issqarreb-dd umɣar n ayt n Rubin, Aliṣur, mmis n Cadayyur, tawhibt nnes. 31 Tuɣa-tt d tawhibt nnes: ijj n ṭṭebṣi n nnuqart n mya u-třatin n iciqlen n ddqeř, d ict n ṭṭawya i urucci n nnuqart n sebɛin n iciqlen, ɛlaḥsab aciql n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet. 32 Xenni ict n tɣenjact n wureɣ n ɛecra n iciqlen teccur s řebxur, 33 ijj n uyenduz, ameẓyan n ufunas, ijj n icarri d ijj n izmar n ijj n useggʷas am tɣarṣt n wecmaḍ, 34 ijj n iɣayḍ d ameẓyan i tɣarṣt n wecmaḍ, 35 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Aliṣur, mmis n Cadayyur.

36 Deg wass wiss xemsa issqarreb-dd umɣar n ayt n Cimɛun, Calumiyil, mmis n Ṣuricadday, tawhibt nnes. 37 Tuɣa-tt d tawhibt nnes: ijj n ṭṭebṣi n nnuqart n mya u-třatin n iciqlen n ddqeř, d ict n ṭṭawya i urucci n nnuqart n sebɛin n iciqlen, ɛlaḥsab aciql n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet. 38 Xenni ict n tɣenjact n wureɣ n ɛecra n iciqlen teccur s řebxur, 39 ijj n uyenduz, ameẓyan n ufunas, ijj n icarri d ijj n izmar n ijj n useggʷas am tɣarṣt n wecmaḍ, 40 ijj n iɣayḍ d ameẓyan i tɣarṣt n wecmaḍ, 41 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Calumiyil, mmis n Ṣuricadday.

42 Deg wass wiss setta issqarreb-dd umɣar n ayt n Jad, Aliyasaf, mmis n Daɛuyil, tawhibt nnes. 43 Tuɣa-tt d tawhibt nnes: ijj n ṭṭebṣi n nnuqart n mya u-třatin n iciqlen n ddqeř, d ict n ṭṭawya i urucci n nnuqart n sebɛin n iciqlen, ɛlaḥsab aciql n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet. 44 Xenni ict n tɣenjact n wureɣ n ɛecra n iciqlen teccur s řebxur, 45 ijj n uyenduz, ameẓyan n ufunas, ijj n icarri d ijj n izmar n ijj n useggʷas am tɣarṣt n wecmaḍ, 46 ijj n iɣayḍ d ameẓyan i tɣarṣt n wecmaḍ, 47 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Aliyasaf, mmis n Daɛuyil.

48 Deg wass wiss sebɛa issqarreb-dd umɣar n ayt n Ifrayim, Ilicamaɛ, mmis n Ɛammihud, tawhibt nnes. 49 Tuɣa-tt d tawhibt nnes: ijj n ṭṭebṣi n nnuqart n mya u-třatin n iciqlen n ddqeř, d ict n ṭṭawya i urucci n nnuqart n sebɛin n iciqlen, ɛlaḥsab aciql n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet. 50 Xenni ict n tɣenjact n wureɣ n ɛecra n iciqlen teccur s řebxur, 51 ijj n uyenduz, ameẓyan n ufunas, ijj n icarri d ijj n izmar n ijj n useggʷas am tɣarṣt n wecmaḍ, 52 ijj n iɣayḍ d ameẓyan i tɣarṣt n wecmaḍ, 53 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Ilicamaɛ, mmis n Ɛammihud.

54 Deg wass wiss tmenya issqarreb-dd umɣar n ayt n Manassa, Jamaliyil, mmis n Fadahṣur, tawhibt nnes. 55 Tuɣa-tt d tawhibt nnes: ijj n ṭṭebṣi n nnuqart n mya u-třatin n iciqlen n ddqeř, d ict n ṭṭawya i urucci n nnuqart n sebɛin n iciqlen, ɛlaḥsab aciql n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet. 56 Xenni ict n tɣenjact n wureɣ n ɛecra n iciqlen teccur s řebxur, 57 ijj n uyenduz, ameẓyan n ufunas, ijj n icarri d ijj n izmar n ijj n useggʷas am tɣarṣt n wecmaḍ, 58 ijj n iɣayḍ d ameẓyan i tɣarṣt n wecmaḍ, 59 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Jamaliyil, mmis n Fadahṣur.

60 Deg wass wiss tesɛa issqarreb-dd umɣar n ayt n Binyamin, Abidan, mmis n Jidɛuni, tawhibt nnes. 61 Tuɣa-tt d tawhibt nnes: ijj n ṭṭebṣi n nnuqart n mya u-třatin n iciqlen n ddqeř, d ict n ṭṭawya i urucci n nnuqart n sebɛin n iciqlen, ɛlaḥsab aciql n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet. 62 Xenni ict n tɣenjact n wureɣ n ɛecra n iciqlen teccur s řebxur, 63 ijj n uyenduz, ameẓyan n ufunas, ijj n icarri d ijj n izmar n ijj n useggʷas am tɣarṣt n wecmaḍ, 64 ijj n iɣayḍ d ameẓyan i tɣarṣt n wecmaḍ, 65 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Abidan, mmis n Jidɛuni.

66 Deg wass wiss ɛecra issqarreb-dd umɣar n ayt n Dan, Axiɛazar, mmis n Ɛamicadday, tawhibt nnes. 67 Tuɣa-tt d tawhibt nnes: ijj n ṭṭebṣi n nnuqart n mya u-třatin n iciqlen n ddqeř, d ict n ṭṭawya i urucci n nnuqart n sebɛin n iciqlen, ɛlaḥsab aciql n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet. 68 Xenni ict n tɣenjact n wureɣ n ɛecra n iciqlen teccur s řebxur, 69 ijj n uyenduz, ameẓyan n ufunas, ijj n icarri d ijj n izmar n ijj n useggʷas am tɣarṣt n wecmaḍ, 70 ijj n iɣayḍ d ameẓyan i tɣarṣt n wecmaḍ, 71 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Axiɛazar, mmis n Ɛamicadday.

72 Deg wass wiss ḥiṭac issqarreb-dd umɣar n ayt n Acir, Fajɛiyil, mmis n Ɛukran, tawhibt nnes. 73 Tuɣa-tt d tawhibt nnes: ijj n ṭṭebṣi n nnuqart n mya u-třatin n iciqlen n ddqeř, d ict n ṭṭawya i urucci n nnuqart n sebɛin n iciqlen, ɛlaḥsab aciql n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet. 74 Xenni ict n tɣenjact n wureɣ n ɛecra n iciqlen teccur s řebxur, 75 ijj n uyenduz, ameẓyan n ufunas, ijj n icarri d ijj n izmar n ijj n useggʷas am tɣarṣt n wecmaḍ, 76 ijj n iɣayḍ d ameẓyan i tɣarṣt n wecmaḍ, 77 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Fajɛiyil, mmis n Ɛukran.

78 Deg wass wiss tenɛac issqarreb-dd umɣar n ayt n Naftali, Axiraɛ, mmis n Ɛiynan, tawhibt nnes. 79 Tuɣa-tt d tawhibt nnes: ijj n ṭṭebṣi n nnuqart n mya u-třatin n iciqlen n ddqeř, d ict n ṭṭawya i urucci n nnuqart n sebɛin n iciqlen, ɛlaḥsab aciql n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet. 80 Xenni ict n tɣenjact n wureɣ n ɛecra n iciqlen teccur s řebxur, 81 ijj n uyenduz, ameẓyan n ufunas, ijj n icarri d ijj n izmar n ijj n useggʷas am tɣarṣt n wecmaḍ, 82 ijj n iɣayḍ d ameẓyan i tɣarṣt n wecmaḍ, 83 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Axiraɛ, mmis n Ɛiynan.

84 Tuɣa ta d tawhibt i udeccen n uɛalṭar zeg imɣaren n Israil deg wass umi ittwadhen uɛalṭar: tenɛac n ṭṭbaṣi n nnuqart d tenɛac n ṭṭawyat i urucci n nnuqart d tenɛac n tɣenjayin n wureɣ.

85 Ijj n ṭṭebṣi n nnuqart iwzen mya u-třatin ciqlu d ict n ṭṭawya i urucci iwzen sebɛin ciqlu. Marra nnuqart n řeqcuɛ nni tewzen ařfayen u-arebɛa-mya ciqlu ɛlaḥsab ciqlu n Zzawect Iqeddsen.

86 Tenɛac n tɣenjayin n wureɣ ccuren s řebxur. Kuř taɣenjayt tewzen ɛecra n iciqlen, ɛlaḥsab aciql n Zzawect Iqeddsen. Marra ureɣ n tɣenjayin iwzen mya u-ɛicrin n iciqlen.

87 Marra řebhayem i tɣarṣt n wecmaḍ aqa aten tenɛac n iyenduzen, tenɛac n icarriyyen, tenɛac n izmaren n ijj n useggʷas ak-d tewhibt n řɣiǧet nsen, u tenɛac n iɣayḍen imeẓyanin i tɣarṣt n ddenb.

88 Marra řebhayem n tɣarṣt n řehna aqa aten arebɛa u-ɛicrin n iyenduzen, settin n icarriyyen d settin n iɣayḍen d settin n izmaren n ijj n useggʷas. Man aya d tawhibt i udeccen n uɛalṭar awarni ittwadhen.

89 Umi yudef Musa ɣar Uqiḍun n Umsagar ḥima ad kis issiweř, isřa ict n tmijja tessiweř akides zi sennej n tqebbart n weṣřaḥ i iǧan x Ttabut n Cchadet, zi jar tnayen n ikiruben. Ammu issiweř SIDI akides. ^□