1 Issiweř SIDI ak-d Musa di řexřa n Sina, deg Uqiḍun n Umsagar, deg wass amezwaru n uyur wiss tnayen, deg useggʷas wiss tnayen awarni řami dd-ffɣen zi temmurt n Miṣra, uca inna:

2 “Ksi řqedd n marra tamesmunt n ayt n Israil, ɛlaḥsab řaǧat nsen u ɛlaḥsab taddart n ibabaten nsen, uca ḥseb xenni ismawen nsen azeǧif azeǧif, n kuř aryaz. ^■   3 Ittxeṣṣa cek d Harun ad tḥessbem kuř ijj zi ɛicrin n iseggʷusa sennej, marra inni iǧan di Israil inni i ɣa iffɣen ak-d řɛeskar, ttwasettfen ɛlaḥsab tarbiɛin n řɛeskar nsen. 4 Ad awem iwc afus ijj n weryaz zi kuř taqbič, aryaz i iǧan d azeǧif n taddart n babas. 5 Aqa d ina d ismawen n yeryazen nni d awem i ɣa iwcen afus:

I Rubin, Iliṣur mmis n Cadayur.

6 I Cimɛun, Calumiyil, mmis n Ṣuriycadday.

7 I Yahuda, Naḥcun, mmis n Ɛamminadab.

8 I Issakar, Natanayil, mmis n Ṣuɣar.

9 I Zabulun, Iliyab, mmis n Ḥilun.

10 I ayt n Yusuf: i Ifrayim, Ilicamaɛ, mmis n Ammihud, u i Manassa, Jamliyil, mmis n Fadahṣur.

11 I Binyamin, Abidan mmis n Jidɛuni.

12 I Dan, Axiɛazar, mmis n Ɛammicadday.

13 I Acir, Fajɛiyil, mmis n Ɛukran.

14 I Jad, Iliyasaf, mmis n Daɛuyil.

15 I Naftali, Axiraɛ, mmis n Ɛinan.”

16 Ina tuɣa d inni ittwařaɣan zi tmesmunt, tuɣa aten d imeqqranen x tqebbař n ibabaten nsen, d izeǧifen x řuřuf n Israil.

17 Ksin Musa d Harun iryazen nni tuɣa ittwarecmen s ismawen nsen

18 uca ssmunen tamesmunt marra deg wass amezwaru n uyur wiss tnayen uca nitni xebbaren axřaq nsen ɛlaḥsab řaǧat nsen u ɛlaḥsab taddart n ibabaten nsen, am ttwazemmemen ismawen n yinni ɣar iǧa ɛicrin n iseggʷusa sennej, azeǧif azeǧif.

19 Am mammec d as yumur SIDI i Musa, aqa iḥseb i-ten di řexřa n Sina.

20 Ayt n Rubin, amenzu n Israil: ttwasettfen nitni zi jjihet n wexřaq nsen ɛlaḥsab řaǧat nsen u ɛlaḥsab taddart n ibabaten nsen, ɛlaḥsab ismawen nsen azeǧif azeǧif, kuř aryaz zi ɛicrin iseggʷusa sennej, kuř ijjen wenni dd-itteffɣen ak-d řɛeskar, 21 ammu i tuɣa inni ittwaḥesben i teqbič n Rubin di setta u-arebɛin-ařef u-xemsa mya.

22 Ayt n Cimɛun: ttwasettfen nitni zi jjihet n wexřaq nsen ɛlaḥsab řaǧat nsen u ɛlaḥsab taddart n ibabaten nsen, inni zzayes ittwaḥesben ak-d lɛadad n ismawen nsen, azeǧif azeǧif, kuř aryaz zi ɛicrin iseggʷusa sennej, inni dd-iffɣen ɣar řɛeskar, 23 ammu i tuɣa inni ittwaḥesben i teqbič n Cimɛun di tesɛa u-xemsin-ařef u-teřt-mya.

24 Ayt n Jad: ttwasettfen nitni zi jjihet n wexřaq nsen ɛlaḥsab řaǧat nsen u ɛlaḥsab taddart n ibabaten nsen, am ttwaḥesben ismawen n marra iryazen zi ɛicrin iseggʷusa sennej, kuř ijjen wenni dd-itteffɣen ak-d řɛeskar, 25 ammu i tuɣa inni ittwaḥesben i teqbič n Jad di xemsa u-rebɛin-ařef u-setta-mya u-xemsin.

26 Ayt n Yahuda: ttwasettfen nitni zi jjihet n wexřaq nsen ɛlaḥsab řaǧat nsen u ɛlaḥsab taddart n ibabaten nsen, am ttwaḥesben ismawen n marra iryazen zi ɛicrin iseggʷusa sennej, kuř ijjen wenni dd-itteffɣen ak-d řɛeskar, 27 ammu i tuɣa inni ittwaḥesben i teqbič n Yahuda di arebɛa u-sebɛin-ařef u-setta-mya.

28 Ayt n Issakar: ttwasettfen nitni zi jjihet n wexřaq nsen ɛlaḥsab řaǧat nsen u ɛlaḥsab taddart n ibabaten nsen, am ttwaḥesben ismawen n marra iryazen zi ɛicrin iseggʷusa senn, kuř ijjen wenni dd-itteffɣen ak-d řɛeskar, 29 ammu i tuɣa inni ittwaḥesben i teqbič n Issakar di arebɛa u-xemsin-ařef u-arebɛa-mya.

30 Ayt n Zabulun: ttwasettfen nitni zi jjihet n wexřaq nsen ɛlaḥsab řaǧat nsen u ɛlaḥsab taddart n ibabaten nsen, am ttwaḥesben ismawen n marra iryazen zi ɛicrin iseggʷusa sennej, kuř ijjen wenni dd-itteffɣen ak-d řɛeskar, 31 ammu i tuɣa inni ittwaḥesben i teqbič n Zabulun di sebɛa u-xemsin-ařef u-arebɛa-mya.

32 Ayt n Yusuf:

Ayt n Ifrayim: ttwasettfen nitni zi jjihet n wexřaq nsen ɛlaḥsab řaǧat nsen u ɛlaḥsab taddart n ibabaten nsen, am ttwaḥesben ismawen n marra iryazen zi ɛicrin iseggʷusa sennej , kuř ijjen wenni dd-itteffɣen ak-d řɛeskar, 33 ammu i tuɣa inni ittwaḥesben i teqbič n Ifrayim di arebɛin-ařef u-xemsa-mya.

34 Ayt n Manassa: ttwasettfen nitni zi jjihet n wexřaq nsen ɛlaḥsab řaǧat nsen u ɛlaḥsab taddart n ibabaten nsen, am ttwaḥesben ismawen n marra iryazen zi ɛicrin iseggʷusa sennej, kuř ijjen wenni dd-itteffɣen ak-d řɛeskar, 35 ammu i tuɣa inni ittwaḥesben i teqbič n Manassa di tnayen u-třatin-ařef u-mitayen.

36 Ayt n Binyamin: ttwasettfen nitni zi jjihet n wexřaq nsen ɛlaḥsab řaǧat nsen u ɛlaḥsab taddart n ibabaten nsen, am ttwaḥesben ismawen n marra iryazen zi ɛicrin iseggʷusa sennej, kuř ijjen wenni dd-itteffɣen ak-d řɛeskar, 37 ammu i tuɣa inni ittwaḥesben i teqbič n Binyamin di xemsa u-třatin-ařef u-arebɛa-mya.

38 Ayt n Dan: ttwasettfen nitni zi jjihet n wexřaq nsen ɛlaḥsab řaǧat nsen u ɛlaḥsab taddart n ibabaten nsen, am ttwaḥesben ismawen n marra iryazen zi ɛicrin iseggʷusa sennej, kuř ijjen wenni dd-itteffɣen ak-d řɛeskar, 39 ammu i tuɣa inni ittwaḥesben i teqbič n Dan di tnayen u-settin-ařef u-sebɛa-mya.

40 Ayt n Acir: ttwasettfen nitni zi jjihet n wexřaq nsen ɛlaḥsab řaǧat nsen u ɛlaḥsab taddart n ibabaten nsen, am ttwaḥesben ismawen n marra iryazen zi ɛicrin iseggʷusa sennej, kuř ijjen wenni dd-itteffɣen ak-d řɛeskar, 41 ammu i tuɣa inni ittwaḥesben i teqbič n Acir di waḥit u-rebɛin-ařef u-xemsa-mya.

42 Ayt n Naftali: ttwasettfen nitni zi jjihet n wexřaq nsen ɛlaḥsab řaǧat nsen u ɛlaḥsab taddart n ibabaten nsen, am ttwaḥesben ismawen n marra iryazen zi ɛicrin iseggʷusa sennej, kuř ijjen wenni dd-itteffɣen ak-d řɛeskar, 43 ammu i tuɣa inni ittwaḥesben i teqbič n Naftali di třata u-xemsin-ařef u-arebɛa-mya.

44 Ina d inni ittwaḥesben u nitni ttwaḥesben s ufus n Musa d Harun d imɣaren n Israil, aqa aten di tenɛac n yeryazen, ijj n weryaz i kuř taddart n babas. 45 Marra inni ittwaḥesben zeg ayt n Israil, ɛlaḥsab taddart n ibabaten nsen, marra inni ɣar iǧa ɛicrin n iseggʷusa sennej, kuř ijj wenni dd-itteffɣen ak-d řɛeskar, 46 marra inni ittwaḥesben aqa aten di setta-mya u-ṭeřt-ařaf u-xemsa-mya u-xemsin. ^■  

47 Ilawiyen war carcen ca jar asen di řeḥsab di ṭṭweɛ n teqbič n ibabaten nsen, 48 minzi SIDI tuɣa issiweř ak-d Musa, inna: 49 “Mɣir taqbič n Lawi war tt ttᵉḥseb ca u war tt zemmi ca azeǧif azeǧif jar ayt n Israil. 50 Egg Ilawiyyen x Tzeddiɣt n Cchadet u x marra řeqcuɛ nnes u x marra min d as dd-yusin. Nitni ad arbun Tazeddiɣt ak-d řeqcuɛ nnes marra uca ad dayes sexxaren. Ittxeṣṣa ad wten iqiḍan nsen min dd-innḍen i Tzeddiɣt. 51 Mařa ggur ad tᵉttwafsi Tzeddiɣt, ad tt hedmen Ilawiyyen uca mařa ittxeṣṣa ad tᵉttwagg Tzeddiɣt di ca n wemcan, xenni ad tt ssbedden Ilawiyyen. Mařa ad dd-iqarreb ca n ubarrani, xenni netta ad ittwaneɣ. 52 Ayt n Israil ad wten iqiḍan nsen, kuř ijj ɣar řmargeḥ n řɛeskar nnes u kuř ijj ɣar tɛeǧant nnes ɛlaḥsab tarbiɛin n řɛeskar nsen. 53 Ilawiyyen ad wten iqiḍan nsen ɣar kuř jjihet n Tzeddiɣt n Cchadet, ḥima war ittiři uduqqez n weɣḍab x tmesmunt n ayt n Israil. Ittxeṣṣa i Ilawiyyen ad ḥḍan x Tzeddiɣt n Cchadet.”

54 Uca ggin ayt n Israil s marra min yumur SIDI i Musa, wah, ammu i-t ggin.