1 Issiweř SIDI ak-d Musa, inna:

2 “Ad tinid i ayt n Israil nni izeddɣen di Israil: ‘Kuř ijjen zeg inni n ayt n Israil niɣ zeg ibarraniyyen, wenni i ɣa iwcen zi zzariɛet nnes i Mulak, ad ittwaneɣ nican. Řgens n temmurt ad t yarjem. ^□  ■   3 Necc ad qeřbeɣ udem inu x weryaz nni uca ad t qeḍɛeɣ zi řgens nnes, minzi netta aqa iwca zi zzariɛet nnes i Mulak. S uyenni tuɣa issexmej Zzawect inu Iqeddsen uca iɛarra Isem amqeddas inu. 4 Mařa tarwa n temmurt qqnen tiṭṭawin nsen x weryaz nni, xmi i ɣa iwc netta zi zzariɛet nnes i Mulak, uca nitni war t neqqen, 5 xenni Necc ad qeřbeɣ udem inu x weryaz nni u x řaǧ nnes uca ad t qeḍɛeɣ zi jar řgens nnes, netta d marra inni issefsaden ixef nsen am dekkwařen awarni as maḥend ad ssfesden ixef nsen ak-d Mulak.

6 Bnadem nni i ɣa iqeřben ixef nnes ɣar yenni issawařan ak-d imettan d igezzanen, maḥend ad dewřen awarni asen am ssfesden ixef nsen, Necc ad qeřbeɣ udem inu x bnadem nni uca ad t qeḍɛeɣ zi jar řgens nnes. ^□  ■  

7 Xenni qeddsem u tiřim d imqeddasen, minzi Necc d SIDI, AREBBI nwem! ^■   8 Ḥḍam tiweṣṣa inu uca ggem zzaysent. Necc d SIDI, wenni kenniw issqeddsen.

9 Maɣar kuř aryaz nni i ɣa ineɛřen x babas niɣ x yemmas, ad ittwaneɣ nican. Inɛeř x babas niɣ x yemmas, idammen nnes aqa aten xas. ^■  

10 Mařa ijj n weryaz izna ak-d temɣart n weryaz nneɣni, xenni wenni tuɣa izennan ak-d temɣart n umqarreb nnes ad ittwaneɣ nican, wenni iznan d tenni iznan. ^■  

11 Mařa ijj n weryaz, am iṭṭeṣ ak-d temɣart n babas, aqa issɛarra řɛar n babas, xenni nitni s tnayen ad ttwanɣen nican. Idammen nsen aqa aten xasen.^□  ■  

12 Mařa ijj n weryaz iṭṭeṣ ak-d temɣart n mmis, xenni nitni s tnayen ad ttwanɣen nican. Aqa ggin ijj n uxeǧeḍ ifesden. Idammen nsen aqa aten xasen. ^□  ■  

13 Mařa ijj n weryaz iṭṭeṣ ak-d ijj n weryaz nneɣni am mammec itteṭṭeṣ weryaz ak-d ict n temɣart, xenni aqa nitni s tnayen idsen ggin ict n řefḍiḥet temɣar. Ad ttwanɣen nican. Idammen nsen aqa aten xasen. ^■  

14 Mařa imeřc ijj n weryaz ca n temɣart uca uřa d yemmas, aqa-tt d řefḍiḥet. Ad t sscemḍen s tmessi, netta d nitenti s tnayen, ḥima xenni war tᵉttiři ɛad d řefḍiḥet di řwest nwem. ^■  

15 Mařa ijj n weryaz iṣṣur ixef nnes ak-d ict n řebhimet, xenni ittxeṣṣa ad ittwaneɣ nican. Ittxeṣṣa ɛawed ad tenɣem řebhimet. ^■  

16 Mařa ca n temɣart tqarreb-dd ɣar ca n řebhimet mammec ma tegga, maḥend ad kides tfeḥḥeř, xenni ad tenɣed tamɣart d řebhimet. Ad ttwanɣen nican. Idammen nsen aqa aten xasen.

17 Mařa ijj n weryaz iṭṭef učmas, yeǧis n babas niɣ yeǧis n yemmas, uca iẓra řɛar nnes uca nettat teẓra řɛar nnes, aqa-tt d řefḍiḥet. Ad ttwanɣen s tnayen zzat i tiṭṭawin n tarwa n řgens nsen. Aqa issɛurri řɛar n učmas, ad yarbu řmuɛṣiyyet nnes. ^■  

18 Mařa ijj n weryaz iṭṭeṣ ak-d ict n temɣart tenni x iǧa idammen uca aqa issɛurri řɛar nnes, issɛurri anu n idammen nnes, uca nettat simant nnes tessɛurri anu n idammen nnes, xenni ad ttwaqeḍɛen s tnayen zi řwest n řgens nsen. ^■  

19 War sɛarri ca učmas n yemmac niɣ učmas n babac, minzi xenni issfeṭṭaḥ bnadem řɛar n raǧ nnes. Ggur ad arbun nitni řmuɛṣiyyet nsen. ^■   20 Mařa ijj n weryaz, wenni ittᵉṭṭṣen ak-d ɛentis, aqa issɛurri řɛar n ɛemmis, ad arbun nitni řmuɛṣiyyet nsen. Ad mmten břa tarwa. ^□  ■   21 Mařa ijj n weryaz yiwi tamɣart n umas, aqa man aya d aɛeddi x weɛzař. Aqa issɛarra řɛar n umas. Ad iřin břa iḥenjiren. ^■  

22 Ḥḍam marra tiweṣṣa inu d marra lfarayiḍ inu uca ggem tent, maḥend war kenniw tᵉttɛuqqi temmurt mani kenniw i ɣa nedheɣ ḥima ad dayes tzedɣem. ^■   23 War tteggurem x tebridt n tweṣṣa n řgens nni i ɣa ssuffuɣeɣ zzat i wudem nwem, minzi nitni ggin marra timesřayin-a u s uya carrheɣ ten. ^■   24 Necc nniɣ awem: ‘Kenniw ad ttwartem tammurt nsen uca ad awem tt-i-dd wceɣ d řwart, ict n temmurt ifeyyḍen s uɣi d tamment. Necc d SIDI, AREBBI nwem, wenni kenniw ifarzen zi jar řegnus. ^■  

25 X uya kenniw ad tmeyyzem jar řebhayem n řeḥřař d yenni ixemjen u jar ijḍaḍ ixemjen d yenni n řeḥřař. War sɛiǧim řeɛmuř nwem ak-d ca n řebhimet niɣ ak-d ca n wejḍiḍ niɣ ak-d ca zi marra min ittbuɛen x temmurt, marra min d awem ḥarrmeɣ ḥima ad t tḥesbem d řexmej. ^■   26 Aqa kenniw ad ayi tiřim d imqeddasen, minzi Necc d SIDI d amqeddas uca Necc ssḥeyydeɣ kenniw zi řegnus ḥima ad tiřim inu.

27 Mařa ijj n weryaz niɣ tamɣart ɣares buḥbeř n uɛezzem n imettan niɣ n tgezzant, xenni ad ttwanɣen nican. Ad ten arejmen. Idammen nsen aqa aten xasen.” ^■