1 Igga Baṣaliyil Ttabut n ukeccuḍ n tcejjart n ukasiya. Tuzzeggart nnes tuɣa-tt tnayen n iɣaǧen d wezyen u tiru nnes ijj n uɣiř d wezyen uca řuɛřa nnes ijj n uɣiř d wezyen. ^■   2 Iɣeǧef i-t zi daxeř d barra s wureɣ iṣfan uca igga as ijj n zzwaq n wureɣ i d as dd-innḍen. 3 Issefsi as arebɛa n texrazin i arebɛa n tɣemmura nnes, tnayen n texrazin ɣar yijj n uɣezdis d tnayen n texrazin ɣar uɣezdis nneɣni. 4 Igga iɛumad i tarebbut zeg ukeccuḍ n ukasiya uca iɣeǧef i-ten s wureɣ. 5 Igga iɛumad i tarebbut di texrazin ɣar tnayen n iɣezdisen n Ttabut, maḥend ad zzaysen arbun Ttabut. 6 Igga taqebbart n weṣřaḥ n wureɣ iṣfan s tuzzeggart nnes n tnayen n iɣaǧen d wezyen u tiru nnes n ijj n uɣiř d wezyen. 7 Igga tnayen n ikiruben n wureɣ. Iɛdeř i-ten am řxedmet n wemziř i dd-itteffɣen zi tnayen n ixfawen n tqebbart n weṣřaḥ. 8 Ijj n ukirub iffeɣ zeg ijj n ixef ɣar uɣezdis-a u akirub wenneɣni zeg ixef nneɣni ɣar uɣezdis nneɣni. Igga ikiruben zi tnayen n ixfawen n tqebbart n weṣřaḥ. ^■   9 Ikiruben sswiẓẓḍen afriwen nsen sennej uca s wafriwen nsen dřin taqebbart n weṣřaḥ. Iɣembab nsen tuɣa ijjen qibač i wenneɣni uca di řweqt d icten tuɣa iɣembab n ikiruben ɣar tqebbart n weṣřaḥ. ^■  

10 Igga ɛawed tazewḍa n ukeccuḍ n tcejjart n ukasiya, tuɣa tuzzeggart nnes tnayen n iɣaǧen u tiru nnes ijj n uɣiř d řuɛřa nnes ijj n uɣiř d wezyen. ^■  

11 Iɣeǧef i-tt s wureɣ iṣfan uca igga as ijj n zzwaq n wureɣ i d as dd-innḍen. ^■  

12 Igga ɛawed ict n tma i d as dd-innḍen s cbar n ufus uca igga ijj n zzwaq n wureɣ ɣar tmewwa nnes i d as dd-innḍen. ^■  

13 Issefsi as arebɛa n texrazin n wureɣ uca igga tixrazin ɣar arebɛa n tɣemmura nni iǧan ɣar arebɛa n iḍaren nnes. ^■  

14 Tuɣa tixrazin zzat n tma maḥend ad daysent ssidfen iɛumad i tarebbut ḥima ad zzaysen arbun tazewḍa. ^■  

15 Igga iɛumad i tarebbut zeg ukeccuḍ n ukasiya uca iɣeǧef i-ten s wureɣ maḥend ad zzaysen arbun tazewḍa.

16 Igga řeqcuɛ i ɣa yiřin x tzewḍa s wureɣ iṣfan: ṭṭbaṣi nnes, d tɣenjayin nnes, d řkisan nnes d iɣarrafen maḥend ad zzaysen kebben. ^■  

17 Igga řqendiř n wureɣ iṣfan. Iɛdeř řqendiř s wefḍis n wemziř: afud x uḍar nnes d iɣaǧen nnes, d řkisan nnes d temrisin nnes d nnuwwarat nnes tuɣa zzayes dd-itteffɣen. ^■  

18 Zeg iɣezdisen nnes ffɣen-dd setta n iɣaǧen, třata n iɣaǧen n řqendiř zeg ijj n uɣezdis d třata n iɣaǧen n řqendiř zeg uɣezdis nneɣni. ^■  

19 Ƴar ijj n uɣiř tuɣa din třata n řkisan amecnaw nnewwac n ǧewz s ict n temrist d ijj n nnewwac uca x uɣiř nneɣni ɛawed třata n řkisan amecnaw nnewwac n ǧewz s ict n temrist d ijj n nnewwac. Ammu i yeǧan marra setta n iɣaǧen inni dd-itteffɣen zi řqendiř. ^■   20 Ɣar řqendiř simant nnes tuɣa din arebɛa n řkisan amecnaw nnuwarat n ǧewz ak-d temrisin nsen i zzaysent dd-ffɣent nnuwarat nsen.^■   21 Sadu tyuya n iɣaǧen i zzayes dd-iffɣen d amezwaru aqa din tamrist uca amenni i din tamrist sadu tyuya n iɣaǧen i zzayes dd-iffɣen awarni as uca ɛawed din tamrist sadu tyuya n iɣaǧen i zzayes dd-iffɣen d aneggaru. Man aya iǧa amenni i setta n iɣaǧen i zzayes dd-iffɣen. 22 Tuɣa timrisin nsen d iɣaǧen nsen ffɣen-dd zzayes. Marra aya tuɣa d ict n řxedmet n wemziř s wureɣ iṣfan. ^■   23 Igga setta n řefnarat nnes ak-d tjeqqaḍin n teftič nnes d tmejmarin nnes, marra s wureɣ iṣfan. ^□  ■   24 Igga řqendiř ak-d marra řeqcuɛ nnes zeg ict n talint n wureɣ iṣfan. ^■  

25 Igga aɛalṭar n řebxur zeg ukeccuḍ n tcejjart n ukasiya s tuzzeggart nnes n ijj uɣiř u tiru nnes n ijj n uɣiř. Tuɣa-t s arebɛa n tɣemmura. Řuɛřa nnes tuɣa-t tnayen n iɣaǧen. Zzayes tuɣa accawen nnes d ijj akides. ^□  ■   26 Iɣeǧef i-t s wureɣ iṣfan, udem nnes n sennej d iɣezdisen nnes i d as dd-innḍen u ɛawed accawen nnes. Igga as ijj n zzwaq n wureɣ i d as dd-innḍen. ^■   27 Igga as tnayen n texrazin n wureɣ sadu zzwaq nnes i tnayen n tɣemmura nnes, ɣar tnayen n iɣezdisen nnes, ḥima ad daysent ssidfen iɛumad maḥend ad zzaysen arbun aɛalṭar n řebxur. ^■   28 Igga iɛumad i tarebbut zeg ukeccuḍ n ukasiya uca iɣeǧef i-ten s wureɣ. ^■  

29 Igga ɛawed zzect tamqeddest i wedhan d řebxur iṣfan ittfuḥen, ɛlaḥsab ṣṣenɛet n uɛeṭṭař. ^■