3
1 خْزَارْ، مشْحَاڒْ ثمْغَارْ ثَايْرِي إِ ذ أَنغْ إِوْشَا ثْبَابَاثْ، أَڒَامِي إِڒَاغَا ؤُ إِڭَّا أَنغْ ثَارْوَا. س ؤُينِّي دُّونشْثْ وَارْ ذ أَنغْ ثسِّينْ شَا، مِينْزِي وَارْ ث ثسِّينْ شَا. ▪ 2 أَ إِمْعِيزّنْ إِنُو، ڒخُّو نشِّينْ ذ ثَارْوَا ن أَربِّي إِ ندْجْ، وَارْ د-إِضْهَارْ عَاذْ مِينْ غَا نِيڒِي. أَقَا نسّنْ خْمِي د غَا إِبَانْ نتَّا، أَذْ نِيڒِي أَمشْنَاوْ نتَّا، مِينْزِي أَذْ ث نْژَارْ أَمْ مَامّشْ إِدْجْ نتَّا. ▪ 3 مَارَّا ونِّي غَارْ إِدْجْ ؤُسِيثمْ-أَ ذڭْ وُوڒْ نّسْ، أَذْ إِسِّيزْذڭْ إِخفْ نّسْ، أَمْ مَامّشْ إِدْجْ نتَّا ذ أَمزْذَاڭْ. 4 مَارَّا ونِّي إِتّڭّنْ دّْنُوبْ، إِتّڭّْ ڒْمُوعْصِييّثْ، مِينْزِي مَارَّا دّنْبْ ذ ڒْمُوعْصِييّثْ. ▪ 5 ثسّْنمْ بلِّي نتَّا إِبَانْ-د حِيمَا أَذْ إِكّسْ دّْنُوبْ، ؤُشَا نتَّا وَارْ ذَايسْ بُو دّْنُوبْ. ▪ 6 مَارَّا وِي ذَايسْ إِ غَا إِقِّيمنْ، وَارْ إِتّڭّْ شَا دّْنُوبْ. مَارَّا وِي إِتّڭّنْ دّْنُوبْ، وَارْ ث إِژْرِي، وَارْ ث إِسِّينْ. 7 أَ إِحنْجِيرنْ إِنُو، وَارْ ثجِّيمْ أَذْ كنِّيوْ إِخَارْوضْ حذْ. ونِّي إِتّڭّنْ ثَاسڭْذَا ذ نتَّا ذ أَمْسڭَّاذْ أَمْ مَامّشْ عَاوذْ لْمَاسِيحْ ذ أَمْسڭَّاذْ. ▪ 8 ونِّي إِخطَّانْ ذ نتَّا زِي شِّيطَانْ، مِينْزِي شِّيطَانْ ثُوغَا ذ أَمذْنُوبْ زڭْ ؤُمزْوَارُو. إِ مَانْ أَيَا إِ د-إِضْهَارْ مِّيسْ ن أَربِّي: حِيمَا أَذْ إِسّخْسَارْ ڒخْذَايمْ ن شِّيطَانْ.
9 مَارَّا ونِّي د-إِتّْوَاخڒْقنْ زِي أَربِّي، وَارْ إِتّڭّْ شَا دّْنُوبْ، مِينْزِي زَّارِيعثْ نّسْ أَقَا-ت ذَايسْ ؤُشَا وَارْ إِزمَّارْ أَذْ إِخْضَا، مِينْزِي إِتّْوَاخْڒقْ-د زِي أَربِّي. ▪
10 ذِي مَانْ أَيَا أَذْ د-ضْهَارنْ ثَارْوَا ن أَربِّي ذ ثَارْوَا ن شِّيطَانْ: مَارَّا ونِّي وَارْ إِتّڭّنْ ثَاسڭْذَا ؤُڒَا ذ ونِّي وَارْ إِتّخْسنْ ؤُمَاسْ، وَارْ إِدْجِي شَا زِي أَربِّي.
ثَايْرِي جَارْ وَاوْمَاثنْ
11 ذ ثَا ذ ثَاوْصِييّثْ إِ ثُوغَا ثسْڒِيمْ زڭْ ؤُمزْوَارُو: ’أَذْ ثخْسمْ إِجّنْ ونّغْنِي!‘ ▪
12 وَارْ إِدْجِي أَمشْنَاوْ قَايِينْ ونِّي إِدْجَانْ زڭْ ؤُمْعفَّانْ ؤُشَا إِنْغَا ؤُمَاسْ. مَايمِّي إِنْغَا ؤُمَاسْ؟ س مِينْزِي ڒخْذَايمْ نّسْ ثُوغَا أَثنْثْ عفّْننْثْ ؤُشَا ثِينِّي ن ؤُمَاسْ سڭّْذنْثْ. ▪
13 وَارْ ثذْهِيشمْ شَا، أَ أَيْثْمَا، مَاڒَا دُّونشْثْ ثْشَارْهْ إِ كنِّيوْ. ▪
14 نشِّينْ نسّنْ، بلِّي أَقَا نژْوَا زِي ڒْموْثْ غَارْ ثُوذَارْثْ، مِينْزِي نخْسْ أَوْمَاثنْ نّغْ. ونِّي وَارْ إِتّخْسنْ ؤُمَاسْ، أَذْ إِقِّيمْ ذِي ڒْموْثْ. ▪
15 مَارَّا ونِّي إِشَارّْهنْ ؤُمَاسْ ذ أَقتَّاڒْ ؤُشَا كنِّيوْ ثسّْنمْ بلِّي ثُوذَارْثْ إِتّْذُومَانْ وَارْ ثْزمَّارْ أَذْ ثقِّيمْ ذڭْ إِجّْ ن ؤُقتَّاڒْ. ▪
16 زِي مَانْ أَيَا نسّنْ ثَايْرِي نّسْ، أَقَا نتَّا إِسَّارْسْ ثُوذَارْثْ نّسْ ذڭْ ومْشَانْ نّغْ. عَاوذْ إِتّْخصَّا أَنغْ نِيشَانْ أَذْ نسَّارْسْ ثُوذَارْثْ نّغْ خْ أَيْثْمَاثْنغْ. ▪
17 ونِّي غَارْ إِدْجْ أَڭْڒَا ن دُّونشْثْ ؤُشَا إِتّْوَاڒَا ؤُمَاسْ إِزْڒضْ، خنِّي إِقّنْ خَاسْ ؤُڒْ نّسْ، مَامّشْ إِ غَا ثزْذغْ ثَايْرِي ن أَربِّي ذَايسْ؟ ▪
18 أَ إِحنْجِيرنْ إِنُو\bd*، أجّْ أَنغْ وَارْ نتّخْسْ إِجّنْ ونّغْنِي س وَاوَاڒْ نِيغْ س إِڒسْ، مَاشَا س ڒخْذَايمْ ؤُ ذِي ثِيذتّْ.
19 س مَانْ أَيَا نسّنْ أَقَا نشِّينْ زِي ثِيذتّْ ؤُشَا أَذْ نسّقْنعْ ؤُڒَاونْ نّغْ قْبڒْ مَا أَذْ د-يَاسْ. 20 مِينْزِي مَاڒَا إِحْكمْ وُوڒْ نّغْ خَانغْ، مشْحَاڒْ ذ أَمقّْرَانْ أَربِّي خْ وُوڒْ نّغْ! أَقَا نتَّا إِسّنْ مَارَّا. 21 أَ إِمْعِيزّنْ إِنُو، مَاڒَا ؤُڒْ نّغْ وَارْ خَانغْ إِحْكمْ، أَقَا غَارْنغْ تِّيقّثْ زَّاثْ إِ أَربِّي، 22 ؤُشَا مَانْ ڒْحَاجّثْ إِ غَا نتَّارْ، أَذْ ت نكْسِي زَّايسْ، مِينْزِي نشِّينْ نْحطَّا ثِيوصَّا نّسْ ؤُشَا أَذْ نڭّْ مِينْ غَا يَارْضَانْ نتَّا. ▪ 23 ذ ثَا ذ ثَاوْصيّثْ نّسْ بلِّي أَذْ نَامنْ ذڭْ يِيسمْ ن مِّيسْ، يشُّو لْمَاسِيحْ ؤُشَا أَذْ نخْسْ إِجّْ ونّغْنِي أَمْ مَامّشْ إِ ذ أَنغْ يُومُورْ. ▪ 24 ونِّي إِحْضَانْ ثِيوصَّا نّسْ، أَذْ إِتّْوَاحْضَا زَّايسْ ؤُ نتَّا إِزدّغْ ذَايسْ. س مَانْ أَيَا نسّنْ بلِّي نتَّا أَذْ إِقِّيمْ ذَايْنغْ، زِي أَرُّوحْ ونِّي ذ أَنغْ إِوْشَا. ▪