‏1 س ؤُينِّي، أَ أَيْثْمَا، فَارْحمْ ذِي سِيذِيثْنغْ. وَارْ خَافِي يوْعَارْ أَذْ أَومْ أَرِيغْ ثِيمسْڒَايِينْ-أَ ثْوَاڒَا نّغْنِيثْ ؤُشَا غَارْومْ ذَايْسنْثْ ڒَامَانْ. ^▪  

‏2 حْضَامْ إِخفْ نْومْ زڭْ يِيطَانْ، حْضَامْ زڭْ إِعفَّاننْ، حْضَامْ زڭْ إِنِّي إِقطّْعنْ أَيْسُومْ. ^▪   ‏3 مِينْزِي نشِّينْ ذ أَخْثَانْ، نشِّينْ إِنِّي إِتّْسخَّارنْ إِ أَربِّي س أَرُّوحْ، إِنِّي إِسّمْغَارنْ ذِي يشُّو لْمَاسِيحْ ؤُشَا وَارْ تِّيقّنْ شَا ذِي مِينْ ندْجْ عْلَاحْصَابْ طّْبِيعثْ نّغْ ثَامذْنُوبْثْ، ^▪  

‏4 نشّْ زمَّارغْ أَذْ تِّيقّغْ ذِي مِينْ دْجِيغْ عْلَاحْسَابْ طّْبِيعثْ إِنُو ثَامذْنُوبْثْ، مِينْزِي مَاڒَا إِتّْغِيڒْ إِ حذْ أَذْ إِتِّيقّْ ذِي مِينْ إِدْجْ نتَّا عْلَاحْسَابْ طّْبِيعثْ نّسْ، نشّْ كْثَارْ: ^▪   ‏5 أَقَا أَيِي ذ أَمخْثَانْ زڭْ وَامِي غَارِي ثْمنْيَا ن وُوسَّانْ، زِي ڒْڭنْسْ ن إِسْرَائِيل، زڭْ أَيْثْ ن بِينْيَامِينْ، نشّْ ذ أَعِيبْرَانِي زڭْ إِعِيبْرَانِييّنْ، زِي جِّيهثْ ن شَّارِيعَا نشّْ ذ أَفَارِيسِي، ^▪   ‏6 زڭْ ؤُغزْذِيسْ ن شْضَارثْ ثُوغَا ذَارّْشغْ خْ ثْمسْمُونْثْ ن لْمَاسِيحْ، زڭْ ؤُغزْذِيسْ ن ثْسڭْذَا ثنِّي ذِي شَّارِيعَا أَقَا أَيِي بْڒَا ڒْعِيبْ. ^▪   ‏7 مَاشَا مِينْ ثُوغَا غَارِي أَرْبحْ، أَقَا ڭِّيغْ ث ذ ثَاخسَّارْثْ خْ سِّيبّثْ ن لْمَاسِيحْ. ^▪   ‏8 نشّْ ڭِّيغْ مَارَّا مَانْ أَيَا ذ ثَاخسَّارْثْ زِي سِّيبّثْ ن ثُوسّْنَا ن سِيذِيثْنغْ يشُّو لْمَاسِيحْ، ونِّي ذِي طّْوعْ نّسْ خْسَارغْ كُوڒْشِي، ڭِّيغْ ث أَمشْنَاوْ أَفْرَاضْ يُورْصُوضنْ حِيمَا أَذْ أَربْحغْ لْمَاسِيحْ، ^▪   ‏9 مَاحنْذْ أَذْ تّْوَافغْ ذَايسْ، وَارْ إِدْجِي س ثْسڭْذَا ن إِخفْ إِنُو ثنِّي زِي شَّارِيعَا، مَاشَا س ثنِّي زِي لْ-إِيمَانْ ن لْمَاسِيحْ، أَقَا-ت ذ ثَاسڭْذَا ثنِّي زِي أَربِّي س لْ-إِيمَانْ، ^▪  

‏10 حِيمَا أَمُّو إِ غَا سّْنغْ يشُّو ذ جّهْذْ ن ثْنُوكْرَا نّسْ ذ ؤُعَاشَارْ ذڭْ ؤُودّبْ نّسْ، ؤُ مَاحنْذْ أَذْ ذوْڒغْ أَمشْنَاوْ نتَّا ذِي ڒْموْثْ نّسْ، ^▪  

‏11 حِيمَا س شَا ن وبْرِيذْ أَذْ أَوْضغْ غَارْ ثْنُوكْرَا زِي ثَادَّارْثْ ن إِمتِّيننْ.

‏12 نشّْ وَارْ تِّيوِيضغْ نِيغْ تّْوَاكمّْڒغْ عَاذْ، مَاشَا يمَّارغْ إِ مَانْ أَيَا، حِيمَا، مَاڒَا إِعدّڒْ، أَذْ طّْفغْ مِينْ زِي ذ أَيِي إِطّفْ يشُّو لْمَاسِيحْ.

‏13 أَ أَيْثْمَا، وَارْ ذ أَيِي إِتّْغِيڒْ أَقَا طّْفغْ ث، مَاشَا تّڭّغْ إِشْثْ ن ڒْحَاجّثْ، تُّوغْ مِينْ أَوَارْنِي أَيِي، أَذْ سّْوِيژّْضغْ إِخفْ إِنُو غَارْ مِينْ ذِينْ زَّاثِي.

‏14 تِّيزَّارغْ غَارْ لْغَارَاضْ، غَارْ أَرْبحْ ن ثْڒَاغِيثْ ن أَربِّي، ثنِّي زِي سنّجْ ذِي يشُّو لْمَاسِيحْ. ^▪  

‏15 أجّْ إِنِّي إِوْضنْ غَارْ ڒكْمَارثْ، أَذْ غَارْسنْ ثِيڒِي نّيّثْ-أَ. ؤُشَا مَاڒَا غَارْومْ نّيّثْ نّغْنِي ذِي شَا، أَقَا أَربِّي أَذْ أَومْ إِسّْشنْ مَانْ أَيَا عَاوذْ.

‏16 مَاشَا أَڒْ مَانِي مَا نِيوضْ، أجّْ أَنغْ أَذْ نُويُورْ خنِّي ذڭْ وبْرِيذْ ذ إِشْثنْ س إِخَارِيصّنْ نّغْ ذ إِجّنْ. ^▪  

‏17 ضْفَارمْ أَيِي-د، أَ أَيْثْمَا، كْسِيمْ ثِيوصَّافْ إِ ينِّي يُويُورنْ أَمُّو، أَمْ مَامّشْ غَارْومْ ذ أَمذْيَا ذَايْنغْ. ^▪  

‏18 مِينْزِي أَقَا ذِينْ أَطَّاسْ إِنِّي يُويُورنْ وَارْ إِدْجِي أَمنِّي، نِّيغْ أَومْ ت أَطَّاسْ ن إِمُورنْ، ؤُشَا ڒخُّو أَذْ ث إِنِيغْ س إِمطَّاونْ، أَقَا أَثنْ ذ ڒْعذْيَانْ ن صَّالِيبْ ن لْمَاسِيحْ. ^▪  

‏19 أَنڭَّارُو نْسنْ ذ أَهلّكْ، أَربِّي نْسنْ ذ أَعذِّيسْ نْسنْ ؤُشَا أَعُودْجِي نْسنْ ذ أَبهْذڒْ نْسنْ، ؤُ نّيّثْ نْسنْ ذِي ثْمسْڒَايِينْ ن دُّونشْثْ. ‏20 ثَاسخَّارْثْ نّغْ ذڭْ ؤُجنَّا إِ زَّايسْ نتّْرَاجَا عَاوذْ ڒْعُونْصَارْ نّغْ ن ثُوذَارْثْ، سِيذِيثْنغْ يشُّو لْمَاسِيحْ. ^▪   ‏21 ونِّي إِ غَا إِبدّْڒنْ أَرِّيمثْ ن ثمُّورْثْ، حِيمَا أَذْ ثذْوڒْ أَمشْنَاوْ أَرِّيمثْ ن ؤُعُودْجِي نّسْ، خْ ڒحْسَابْ ن جّهْذْ إِ زِي إِ إِتّْوَاڭّْ مَارَّا مِينْ إِدْجَانْ سَاذُو نتَّا. ^▪