‏1 ن ذَاوُوذْ.

أَذْ شكْ قَاذِيغْ س مَارَّا ؤُڒْ إِنُو،

أَذْ شكْ زهّْذغْ زَّاثْ إِ إِربِّيثنْ.

‏2 أَذْ أَضَارغْ غَارْ زَّاوشْثْ نّكْ ثَامقّْرَانْثْ إِقدّْسنْ،

أَذْ قَاذِيغْ إِسمْ نّكْ خْ ثْمخْسِيوْثْ نّكْ إِشوَّارنْ ؤُ خْ ڒَامَانْ نّكْ،

مَاغَارْ شكْ ثسّمْغَارذْ أَوَاڒْ نّكْ خْ مَارَّا إِسمْ نّكْ.

‏3 ذڭْ وَاسّْ ڒَامِي خَاكْ د-ڒَاغِيغْ، ثَارِّيذْ-د خَافِي،

شكْ ثوْشِيذْ جّهْذْ إِ ڒعْمَارْ إِنُو.

‏4 مَارَّا إِجدْجِيذنْ ن ثمُّورْثْ أَذْ شكْ قَاذَانْ، أَ سِيذِي،

خْمِي تّسْڒَانْ أَوَاڒنْ زڭْ ؤُقمُّومْ نّكْ.

‏5 أَذْ غنّْجنْ خْ إِبْرِيذنْ ن سِيذِي،

مَاغَارْ أَعُودْجِي ن سِيذِي ذ أَمقّْرَانْ.

‏6 مَاغَارْ وَاخَّا إِتّْوَاسُّوعْڒَا سِيذِي أَطَّاسْ،

عَاذْ إِخزَّارْ-د غَارْ ؤُمْوَاضعْ،

مَاشَا بُو-نّْفَاخثْ إِسّنْ إِ-ث زِي ڒَاڭّْوَاجْ. ^▪  

‏7 مَاڒَا ؤُيُورغْ ذِي ڒْوسْثْ ن ڒحْصَارثْ، أَذْ أَيِي د-ثتَّارّذْ غَارْ ثُوذَارْثْ.

شكْ ثسّْوِيژّْضذْ أَفُوسْ نّكْ ضِيدّْ إِ وغْضَابْ ن ڒْعذْيَانْ إِنُو،

أَفُوسْ نّكْ أَفُوسِي إِسّنْجمْ أَيِي.

‏8 سِيذِي أَذْ ث إِكمّڒْ إِ نشّْ.

أَ سِيذِي، ثَامخْسِيوْثْ نّكْ إِشوَّارنْ أَقَا-ت إِ ڒبْذَا،

ڒفْعَايڒْ ن إِفَاسّنْ نّكْ وَارْ ثنْ ثَارخُّوذْ.