137
1 غَارْ إِغزْرَانْ ن بَابِيلْ، ذِينِّي إِ ثُوغَا نتّْغِيمَا، نْرُو عَاوذْ خْمِي ثُوغَا نتِّيذَارْ صِيهْيُونْ.
2 نُويڒْ ڒْڭَامْبْرِييَاثْ نّغْ غَارْ إِصفْصَافنْ إِ إِدْجَانْ ذِي ڒْوسْثْ نّسْ.
3 مَاغَارْ إِنِّي ذ أَنغْ إِحبّْسنْ
تَّارنْ زَّايْنغْ ذِينِّي أَذْ نْغنّجْ أَوَاڒنْ ن إِجّْ ن يزْڒِي،
إِنِّي ذ أَنغْ إِحصَّارنْ تَّارنْ شَا ن ڒْحَاجّثْ إِسّفْرَاحنْ،
نَّانْ: ”غنّْجمْ زعْمَا إِجّْ زڭْ إِزْڒَانْ ن صِيهْيُونْ إِ نشِّينْ!“ ▪
4 مَامّشْ نْزمَّارْ أَذْ نْغنّجْ إِجّْ ن يزْڒِي ن سِيذِي،
ذِي ثمُّورْثْ ن مِيدّنْ؟
5 مَاڒَا نشّْ تُّوغْ شمْ، أَ ؤُرْشَالِيمْ،
خنِّي إِڒِي أَخْمِي مَاڒَا أَفُوسْ أَفُوسِي إِتُّو إِخفْ نّسْ.
6 أجّْ أَذْ أَيِي إِڒْصقْ إِڒسْ إِنُو خْ وَانغْ إِنُو،
مَاڒَا وَارْ شمْ تِّيذَارغْ،
مَاڒَا وَارْ سّْعُودْجِيغْ ؤُرْشَالِيمْ خْ ڒفْرَاحثْ إِنُو ثَامقّْرَانْثْ قَاعْ.
7 أَ سِيذِي، عْقڒْ خْ أَيْثْ ن إِذُومْ، ذڭْ وَاسّْ ن ؤُرْشَالِيمْ،
إِنِّي إِقَّارنْ: ”عَارَّامْ ت، عَارَّامْ ت، أَڒْ ذْسَاسْ نّسْ!“ ▪
8 أَ يدْجِيسْ ن بَابِيلْ، شمْ ثنِّي إِتّْوَاسْحُوزنْ إِ وَاردّدْجْ،
سّعْذْ ن يِينِّي ذ أَمْ إِ غَا إِخدْجْصنْ ثَامڭِّيثْ إِعفّْننْ إِ ذَايْنغْ ثڭِّيذْ. ▪
9 سّعْذْ ن ونِّي إِ غَا إِطّْفنْ إِحنْجِيرنْ نْونْ إِمژْيَاننْ،
أَذْ ثنْ ثڒْبزْ خْ ثصْضَارْثْ.