‏1 إِزْڒِي ن ؤُڭعّذْ.

زِي ڒَادْجَاغْ ڒَاغِيغْ-د خَاكْ، أَ سِيذِي!

‏2 أَ سِيذِي إِنُو، سڒْ-د إِ ثْمِيجَّا إِنُو،

أجّْ إِمزُّوغنْ نّكْ أَذْ فثْننْ خْ ثْمِيجَّا ن ؤُحشّمْ إِنُو!

‏3 أَ سِيذِي، مَاڒَا ثحْضِيضْ ڒْمُوعْصِييَّاثْ مْلِيحْ،

أَ سِيذِي إِنُو، مَانْ ونْ إِزمَّارنْ أَذْ إِقِّيمْ إِبدّْ. ^▪  

‏4 مَاشَا غَاركْ أَسَامحْ، مَاحنْذْ أَذْ زَّايكْ ڭّْوذنْ. ^▪  

‏5 نشّْ سِيثِيمغْ ذِي سِيذِي، ڒعْمَارْ إِنُو إِشُّورْ س ؤُسِيثمْ،

تّْرَاجِيغْ أَوَاڒْ نّسْ، ^▪  

‏6 ڒعْمَارْ إِنُو إِتّْرَاجَا سِيذِي إِنُو،

أَطَّاسْ زڭْ إِعسَّاسنْ تّْرَاجَانْ غَارْ ؤُثفُّو. ^▪  

‏7 أجّْ إِسْرَائِيل أَذْ إِرَاجَا سِيذِي،

مَاغَارْ ثَامخْسِيوْثْ إِشوَّارنْ أَقَا-ت غَارْ سِيذِي،

غَارسْ أَصْڒَاحْ إِشطّْ.

‏8 نتَّا أَذْ إِسّنْجمْ إِسْرَائِيل زِي مَارَّا ڒْمُوعْصِييّثْ نّسْ.