‏1 إِزْڒِي ن ؤُڭعّذْ.

سّعْذْ ن كُوڒْ إِجّْ ن ونِّي إِتّڭّْوذنْ سِيذِي،

ونِّي إِڭُّورنْ ذڭْ إِبْرِيذنْ نّسْ.

‏2 أَقَا أَذْ ثشّذْ زڭْ وَارْبرْ ن إِفَاسّنْ نّكْ،

أَذْ ثِيڒِيذْ ذ أَمِيمُونْ ذ لمْلِيحْ.

‏3 ثَامْغَارْثْ نّكْ أَذْ ثِيڒِي أَمْ إِشْثْ ن ثْزَايَارْثْ إِ د-إِتَّاوْينْ ڒْغِيدْجثْ ذِي ثَادَّارْثْ نّكْ،

أَرَّاونْ نّكْ أَذْ إِڒِينْ أَمْ إِغمُّوينْ ن زِّيثُونْ قُووَّارنْ-د إِ طَّابْڒَا نّكْ.

‏4 أَمُّو إِ غَا إِتّْوَابَاركْ ورْيَازْ إِجهْذنْ نِّي إِتّڭّْوذنْ سِيذِي.

‏5 سِيذِي أَذْ شكْ إِبَاركْ زِي صِيهْيُونْ،

ؤُ أَذْ ثْژَارذْ أَقَا ؤُرْشَالِيمْ أَذْ ثِيڒِي مْلِيحْ،

مَارَّا ؤُسَّانْ ن ثُوذَارْثْ نّكْ،

‏6 وَاهْ، أَذْ ثْژَارذْ إِحنْجِيرنْ ن إِحنْجِيرنْ نّكْ.

ڒهْنَا أَذْ يِيڒِي خْ إِسْرَائِيل.