‏1 إِزْڒِي ن ؤُڭعّذْ. زِي سُولِيمَانْ.

مْڒِي وَارْ إِبنِّي سِيذِي ثَادَّارْثْ،

ڭُّورْ إِبنَّاينْ أَذْ سِّيحْڒنْ إِخفْ نْسنْ بَاطڒْ.

مْڒِي وَارْ إِحطِّي سِيذِي خْ ثنْذِينْثْ، ڭُّورْ ؤُعسَّاسْ أَذْ إِعسّْ بَاطڒْ.

‏2 بَاطڒْ أَقَا كنِّيوْ أَذْ ثكَّارمْ زِيشْ،

أَذْ ثطّْصمْ ثْعضْڒمْ، أَذْ ثشّمْ أَغْرُومْ ن ڒمْحَاينْ،

مَاغَارْ نتَّا إِتِّيشْ إِ-ث إِ إِمْعِيزّنْ نّسْ ذڭْ يِيضصْ.

‏3 خْزَارْ، أَرَّاونْ ذ ثَاسْغَارْثْ إِ إِمّوْشنْ زِي سِيذِي،

ڒْغِيدْجثْ ن ؤُعذِّيسْ أَقَا-ت ذ ڒْمُونثْ.

‏4 أَمْ مَامّشْ جهْذنْثْ فْڒِيثْشَاثْ ن ڒْقوْسْ ذڭْ ؤُفُوسْ ن ورْيَازْ،

أَمُّو إِ دْجَانْ أَرَّاونْ زڭْ إِسڭّْوُوسَا ن ثمْژِي.

‏5 سّعْذْ ن ورْيَازْ إِجهْذنْ

نِّي إِ زَّايْسنْ إِشُّورنْ أَقْرَابْ ن فْڒِيثْشَاثْ ن ڒْقوْسْ نّسْ.

نِيثْنِي وَارْ تّْسضْحِينْ شَا

ؤُمِي سَّاوَاڒنْ أَكْ-ذ ڒْعذْيَانْ غَارْ ثوَّارْثْ ن ثنْذِينْثْ.