‏1 إِزْڒِي ن ؤُڭعّذْ، ن ذَاوُوذْ.

نشّْ فَارّْحغْ ؤُمِي ذ أَيِي نَّانْ:

”نشِّينْ أَذْ نَاذفْ غَارْ ثَادَّارْثْ ن سِيذِي.

‏2 إِضَارنْ نّغْ بدّنْ-د غَارْ ثوُّورَا نّكْ، أَ ؤُرْشَالِيمْ!“

‏3 ؤُرْشَالِيمْ ثتّْوَابْنَا أَمْ إِشْثْ ن ثنْذِينْثْ نِّي إِتّْوَاشبَّارنْ مْلِيحْ أَكْ-ذ يِيخفْ نّسْ.

‏4 غَارْ ذِينِّي تّْڭعَّاذنْثْ ثْقبَّاڒْ، ثِيقبَّاڒْ ن سِيذِي،

غَارْ شّْهَاذثْ ن إِسْرَائِيل، حِيمَا أَذْ قَاذَانْ إِسمْ ن سِيذِي.

‏5 مَاغَارْ ذِينِّي بدّنْ ڒكْرَاسِي ن ڒْحُوكْمْ،

ڒكْرَاسِي ن ثَادَّارْثْ ن ذَاوُوذْ.

‏6 تَّارمْ إِ ڒهْنَا ن ؤُرْشَالِيمْ:

”أَقَا أَذْ فڒْحنْ إِنِّي شمْ إِتّخْسنْ،

‏7 حِيمَا أَذْ ذِينْ يِيڒِي ڒهْنَا غَارْ ڒْحِيضْ ن زَّاثْ نّكْ،

ؤُڒَا ذ ڒْهُوذْنثْ ذِي ڒقْصُورْ نّكْ.“

‏8 ذِي طّْوعْ ن أَيْثْمَا ذ إِمدُّوكَّاڒْ إِنُو أَذْ إِنِيغْ:

”أَذْ ذَايمْ يِيڒِي ڒهْنَا!“

‏9 ذِي طّْوعْ ن ثَادَّارْثْ ن سِيذِي، أَربِّي نّغْ،

أَذْ أَشْ أَرْزُوغْ خْ مِينْ إِشْنَانْ.